ئەمڕۆ پێنجشه‌ممه‌، 22ـی شوباتـی 2024، به‌ڕێز  بێستون جەبار، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌ بەوەکالەت  سەردانی سەنتەری ئۆتیزمی حکومی لوتفیە مەلا غالبی كرد لە قەزای بازیان و له‌ بۆنه‌یه‌كی‌ تایبه‌تدا بڕوانامه‌ی‌ به‌شداری‌ له‌ ڕاهێنانێكی‌ تایبه‌ت بە هەڵسەنگاندنی توشبوانی ئۆتیزمی به‌خشیه‌ ستافه‌ به‌شداربووه‌كان.

ئه‌و ڕاهێنانه‌ی‌ ئه‌مڕۆ به‌شداربووانی‌ بڕوانامه‌ی‌ به‌شدارییان له‌سه‌ر وه‌رگرت بریتبوو له‌ هەڵسەنگاندنی توشبوانی ئۆتیزم به‌ شێوه‌یه‌كی‌ سه‌رده‌میانه‌ ، تیایدا  به‌ڕێز م .دینا عەباس مامۆستای زانکۆو پسپۆڕی پەروەردەی تایبەت ، وانەکانی تێدا پێشکەش کرد.

لەکۆتایدا بڕوانامه‌ی‌ به‌شداربوون به‌خشرایه‌ (15) به‌شداربووی‌ خولەکەو هەروەک ڕێزلێنانیش پێشکەش بە ڕاهێنەری خولەکە کرا.