کتێبێکی چیرۆک بۆ منداڵانی دایەنگە بڵاوکرایەوە.
ئەمڕۆ سێشەممە، 20ـی شوباتی 2024، بە ئامادەبوونی ژمارەیەک لە بەرپرسان‌و نووسەران‌و ڕۆژنامەنووسان‌و ڕۆشنبیران، لە هۆڵی بۆنەکانی سەنتەری ئۆتیزمی حکومی، بۆنەیەکی تایبەت بە ناساندن‌و بڵاوکردنەوەی کتێبی (پەروەردەکردن لە ڕێگەی چیرۆکەوە لەدایەنگەدا)دا لەنوسینی مامۆستایان (ئەمین محمد- پەیام ئیبراهیم-عەلی حەمە ڕەشید) بڵاوکرایەوە.
نووسەران زۆر بەباشی توانیویانە لەڕێگەی ژمارەیەک چیرۆکی جۆراو جۆری شیاو کار لەسەر گەشەکردن و پەروەردەکردنی منداڵ بکەن لەتەمەنی دایەنگەدا، کتێبەکە سودێکی گەورەی دەبێت بۆ منداڵان کە بۆ یەکەم جارە کتێبێک تایبەت دەکرێت بۆ ئاستی منداڵان لە دایەنگەدا.
لە مەراسیمەکە بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی،ووتەیەکی پێشکەش کردوو تیایدا دەست خۆشی لە نوسەران و سەرپەرشتیارانی پڕۆژەکەو هەموو ئەوانەی بەشداربوون لە چاپ کردن و بڵاوکردنەوەیدا کردو کتێبەکەی بەهەنگاوێکی گرنگ بۆ پەروەردتەرنی منداڵانمان وەسف کردو پاڵپشتی خۆی و بەڕێوەبەرایەتی گشتی بۆ هەر پڕۆژەیەک و کتێبێک دەربڕی یارمەتی دەربێت لە پڕۆسەی فێرکردن و پەروەردەکردنی منداڵاندا.
پوختەی ناساندنی کتێبەکە:
ناوی کتێب: پەروەردەکردن لە ڕێگەی چیرۆکەوە لەدایەنگەدا.
ناوی نووسەران: (ئەمین محمد- پەیام ئیبراهیم-عەلی حەمە ڕەشید).
پیاچوونەوە و بیرۆکەی : دیمەن حەمەعەلی
سپۆنسەر: پڕۆژەی پەروەردەیی خەونی منداڵان.
وێنەکان: نەجات عەبدوڵڵا.
دیزاین: کۆمپیوتەری بانو.
چاپ: چاپخانەی کارۆ.
نۆبەتی چاپ: چایی یەکەم، ساڵی ۲۰۲٤.
تیراژ: ٥٠٠ دانە.
هەر لەدرێژەی مەڕاسیمەکەدا بەڕێزان م.دیمەن حەمەعەلی سەرپەرشتیاری پەروەردەیی ، خاتوو تابان موحەممەد ،خاتوو بەنان وەهاب بەرپرسی بەشی دایەنگاکان و نوسەران و وتەیان پێشکەش کرد و هەر لەچوارچێوەی بۆنەکەدا دایەنگەی خەونی منداڵانی ناحکومی ژمارەیەک چالاکی ئەنجام دا.
لەکۆتایدا بەڕێوەبەرایەتی گشتی ڕێزلێنانی بەخشیە نوسەران و بەڕێوەبەری دایەنگەی خەونی منداڵان و سەرپەرشتیاری کتێبەکە.