لە مەڕاسیمێکی شایستەدا ،بەڕێوەبەری گشتی چاودێری و گەشەپێدانی کۆمەڵایەتی سلێمانی دەستی لەکار ترازاند.
ئەمڕۆ پێنجشەممە ، 15ـی شوباتی 2024، بە ئامادەبوونی بەڕێزان دڵشاد مەحمود بەڕێوەبەری گشتی دیوان و ئیبراهیم ڕۆستەم بەڕێوەبەری گشتی پشکنین بەنوێنەرایەتی وەزیری کارو کاروباری کۆمەڵایەتی ،بێستون جەبار ، بەڕێوەبەری گشتی نوێی چاودێری و گەشەپێدانی کۆمەڵایەتی سلێمانی بەوەکالەت، محسن زرار جێگری بەڕێوەبەری گشتی پشکنین ، ئاریان احمد بەڕێوەبەری نوسینگەی وەزیر ،خاتوو شلێر ئەحمەد بەڕێوەبەری کارگێڕی وەزارەت ،مافناس د.دلێر سابیر ، ژمارەیەک لەبەرپرسانی وەزارەتی کارو کاروباری کۆمەڵایەتی ، بەڕێوەبەر و بەرپرسانی سنوری کاری بەڕێوەبەرایەتی گشتی ، مەڕاسیمێکی تایبەت بە ماڵئاوایی لە بەڕێز م. ئیسماعیل ڕەشید بەڕێوەبەری گشتی چاودێری و گەشەپێدانی کۆمەڵایەتی سلێمانی بەڕێوەچوو.
مافناس هیوا ڕەحمان بەرپرسی بەشی یاسا ، لەوتەیەکدا پیرۆزبایی لە بەڕێز بێستون جەبار بەڕێوەبەری گشتی نوێ بەوەکالەت کردو هەروەک سوپاسی م. ئیسماعیل ڕەشیدی کرد بۆ ئەو ماوەیەی بەهاوکاری بەرپرسان و کارمەندان خزمەتیکرد .
پاشان بەڕێز م .ئیسماعیل ڕەشید.گرنگترین هۆکارەکانی سەرکەوتنی دامەزراوەی کۆمەڵایەتی بۆ ئامادەبووان ڕوونکردەوە، سوپاسی خاتوو کوێستان محەمەمەد، وەزیری کارو کاروباری کۆمەڵایەتی کرد کە لەماوەی کار کردنیدا هاوکاری گەورەیان بوون هەروەها سوپاسی سەرجەم بەرپرس و کارمەندان و ئەو کەس و لایەن و ڕێکخراوانە کرد کە پێکەوە هاوکاربوون لەو ماوەیەدا.
هەر لەو مەڕاسیمەدا نوێنەری وەزیری کارو کاروباری کۆمەڵایەتی دەست خۆشی لە بەڕێوەبەری گشتی پێشوو کرد و هەروەک پیرۆزبایی دەستبەکاربوونی لە بەڕێوەبەری گشتی نوێ کرد بەوەکالەت وهیوای خواست لە ئاست ئەو بەرپرسیاریەتیەدا بن و سوپاسی بەڕێوەبەرو سەرجەم کارمەندانی سنوری کاری بەڕێوەبەرایەتی گشتی کرد بۆ ئەو پێشوازیەی لێکرراوە و هیوای خواست هەموو لایەک دڵسۆزانە و کاری پێکەوەی درێژە بەکارو چالاکیەکان بدەن و خزمەت بە دانیشتوانی پارێزگای سلێمانی بکەن.
هەر لە مەڕاسیمەکەدا ئامادەبووان ستایشی کارو ڕۆڵ و سەرکەوتنەکانی بەڕێوەبەری گشتیان کردو پاڵپشتی و پشتیوانی خۆیان بۆ بەڕێوەبەری گشتی نوێ دووپات کردەوە.
جێ ئاماژەیە، بەڕێز م. ئیسماعیل ڕەشید، لە ڕێکەوتی 3ـی 2ـی2022، پۆستی بەڕێوەبەری گشتی چاودێری و گەشەپێدانی کۆمەڵایەتی سلێمانی وەرگرت ودوای ئەوخزمەتە بەرچاوەی بە چینی هەژار و خاوەن پێداویستی تایبەت و دامەزراوە کۆمەڵایەتیەکان بەهۆی دەست لەکارکێشانەوەیان بەڕێزیان ماڵئاوایی لە پۆستی بەڕێوەبەری گشتی کرد.