هیوا سەعید "لە ساڵی 2023 دا (123)سەردانیمان بۆ باڕو کافتریاو چێشتخانەو بلیارد و ساڵۆن و کارگەو کافیەکان و ئەوشوێنانەی گومانی تێدا دەکرێت منداڵی خوار 18 ساڵی تێدایە کردووە"

"لە ساڵی 2023 دا لیژنە هاوبەشەکان (3003) سەردانی بۆ فولکەو جادەکانی مەرکەزی سلێمانی کردووەو ( 550) منداڵی ئیشکەر لەسەر شەقامەکان ڕەسد کراون "

بەڕێوەبەرایەتی گشتی کۆتا ئاماری ساڵی 2023 ـی لیژنەی بەدواداچون بۆ منداڵانی ئیشکەر بڵاوکردەوە.

ئەمڕۆ سێشەممە ، 2ـی کانوونی دووەمی/2023 ، بەڕێوەبەرایەتی گشتی کۆتا ئاماری بەدواداچونی لیژنەی بەدواداچونی منداڵانی ئیشکەری لە سەرشەقامەکان و ترافیکلایتەکان بڵاوکردەوە.

بەڕێز هیوا سەعید ، سەرپەرشتیاری پەروەردەیی لە بەڕێوەبەرایەتی گشتی بە سایتی فەرمی بەڕێوەبەرایەتی گشتی (www.socialsuli.com)ڕاگەیاند ، "لیژنەی بەدواداچوونی منداڵانی ساڵی 2023 دا لیژنەی بەدواداچون (3003) سەردانی بۆ فولکەو جادەکانی مەرکەزی سلێمانی کردووەو هەروەها (123)سەردانی بۆ باڕو کافتریاو چێشتخانەو بلیارد و ساڵۆن و کارگەو کافیەکان و ئەوشوێنانەی گومانی تێدا دەکرێت منداڵی خوار 18 ساڵی تێدایە کردووە  وە 91 سەردانیانلەناو بازاڕی شاری سلێمانی بووە ، لەکۆی ئەو سەردانانە ( 550) منداڵی ئیشکەر لەسەر شەقامەکان ڕەسد کراون.

بەڕێز هیوا سەعید وتیشی " سەردان و بەدواداچونەکان بە هاوکاری هەریەک لە ڕێکخراوی منداڵپارێزی کوردستان و هۆبەی پۆلیسی نەوجەوانان وبەرێوەبەرایەتی کاری سلێمانی و بەچاودێری ققائیمقامیەتی مەرکەزی سلێمانی بووەو سوپاسیان دەکەین کە پاڵپشتی گەورەن لەو ئەرکەداو هیواخوازین لە ساڵی 2024 دا پێکەوە بتوانین منداڵان لەسەر شەقام و شوێنە نەشیاوەکان دوور بخەینەوە و لە قوتابخانەو سەنتەرو شوێنە شیاوەکانی تایبەت بە منداڵان نەوەیەکی بەسود بۆ کۆمەڵگا بەرهەم بهێنرێ"

بەڕێزان بۆ وەرگرتنی تەواوی ئاماری ساڵی2023ـی لیژنەی بەدواداچوون سەردانی ئەم لینکە بکەن.