سلێمانی: دایەنگە حکومییەکان دەست بە دەوام دەکەنەوە
بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی، بڕیاریدا دایەنگە حکومییەکان دەست بە دەوام بکەنەوە ، بەڕێوەبەرایەتیەکە داواش دەکات هەموو ئەومنداڵانەی ئەمساڵ لە دایەنگە حکومیەکانی سنوری بەڕێوەبەرایەتی چاودێری کۆمەڵایەتی سلێمانی ناویان تۆمار کرابوو ، سەردان بکەنەوە.
بە پێی ووتەی خاتوو بەنان وەهاب بەرپرسی بەشی دایەنگاکان لە بەڕێوەبەرایەتی گشتی، کارمەندانی دایەنگە حکومیەکان بەهۆی دواکەوتنی موچەکانیان دەوامیان ڕاگرتبوو ،لەئێستادا پاش کۆبونەوەیان بڕیار درا بە کردنەوەی دایەنگەکان بەڕووی منداڵان دا، وە ڕۆژی یەکشەممە، 4ـی کانوونی دووەمی 2024 ، دەستنیشانکراوە وەک کردنەوەی سەرجەم دایەنگا حکومیەکان، بۆ ئەو مەبەستە ئامادەکاری بۆ کردنەوەیان تەواو بووەو دەوامی ئاسایی دەستپێدەکاتەوە.
خاتوو بەنان وەهاب وتیشی: " لە سنوری کاری بەڕێوەبەرایەتی گشتی (8)دایەنگەی حکومی هەیە کە دەکەونە ناوشاری سلێمانی و قەزاکانی دەوروبەری و منداڵان لە قۆناغی یەک ساڵی بۆ چوار ساڵی لە خۆ دەگرن ، پابەندی تەواو بە سیستم و ڕێنماییەکان بۆ ڕەخساندنی ژینگەیەکی گونجاو بۆ گەشەی منداڵ دەبین .
سەبارەت بەکاتی دەوامیش خاتوو بەنان وەهاب وتی." ڕۆژانی یەکشەممە تاڕۆژی چوارشەممە لە کاتژمێر 7:30 خولەکی بەیانی تـــا کاتژمێر 2:00 کارمەندان لەدەوامدا دەبن.
|