کۆبونەوەیەکی تایبەت بە ڕادەستکردنی بینای دایەنگە لە پڕۆژەکانی نیشتەجێبوون بە وەزارەتی کارو کاروباری کۆمەڵایەتی بەڕێوەچوو.
ئەمڕۆ یەکشەممە، 21ـی کانوونی دووەمی/2023، لە
فەرمانگەی هەماهەنگی و بەدواداچون و بە ئامادەبوونی سەرۆکی فەرمانگەی هەماهەنگی و بەدواداچوون و بەڕێوەبەرانی گشتی چاودێری وگەشەپێدانی کۆمەڵایەتی (سلێمانی ،هەولێر،دهۆک،هەڵەبجە)نوێنەرانی وەزارەتی کارو کاروباری کۆمەڵایەتی و ژمارەیەک لە دەزگا پەیوەندیدارەکان، کۆبونەوەیەکی تایبەت بە ڕادەستکردنی بینای دایەنگە لە پڕۆژەکانی نیشتەجێبوون بە وەزارەتی کارو کاروباری کۆمەڵایەتی بەڕێوەچوو.
لەکۆبونەوەکەدا گفتوگۆی چڕ کرا لەسەر دیاریکردنی میکانزمێکی گونجاو بۆ وەرگرتنی باڵەخانەی دایەنگە لە سەرجەم پڕۆژەکانی نیشتەجێبوون بە وەزارەتی کارو کاروباری کۆمەڵایەتی.
لە ئێستادا لیژنەیکی تایبەت بەسەرپەرشتی سەرۆکایەتی ئەنجومەنی وەزیران و ئەندامێتی وەزارەتەکانی کاروکاروباری کۆمەڵایەتی و دارایی و ئابوری هەروەها دەستەی وەبەرهێنان بۆ ئەومەبەستە پێکهێنراوەو چاوەڕێ دەکرێت بەزوترین کات لەسەرجەم پارێزگاکان و یەکە ئیداریەکانی حکومەتی هەرێم دەستبەکاربن.
|