بەئامادەبونی سەرجەم دایەنگە ناحکومیەکان کۆبوونەوەی فراوانی بەشی دایەنگەکان بەڕێوەچوو.
ئەمڕۆ چوارشەممە ،7ـی 2ـی 2024، لە دیوانی بەڕێوەبەرایەتی گشتی و بە سەرپەرشتی بەڕێز م.ئیسماعیل ڕەشید بەڕێوەبەری گشتی چاودێی و گەشەپێدانی کۆمەڵایەتی لەپارێزگای سلێمانی ، ئامادەبونی بەڕێوەبەرو خاوەنی سەرجەم دایەنگە ناحکومیەکانی سنوری پارێزگای سلێمانی بەشی دایەنگەکان کۆبونەوەیەکی فراوانی بۆ دایەنگە ناحکومیەکان بەڕێوەبرد.
لە کۆووبوونەوەکەدا بەرێز بەڕێوەبەری گشتی، ئامانجی کۆبوونەوەکەی بۆ ئامادەبووان خستەڕوو و تیایدا جەختی کردەوە لەوەی بەشی دایەنگەکان لە چوارچێوەی یاساو ڕێنماییەکانداو لە ڕێگەی شارەزایانی دایوانی بەڕێوەبەرایەتی گشتی و شارەزایانی زانکۆو لیژنەکانی سەرپەرشتیەوە کار دەکات بۆ بەرزکردنەوەی ئاستی دایەنگەکان و چاودێریکردنیان لە رێگەی کردنەوەی خول و ڕاهێنان و سەردانی ڕاستەوخۆو ئەنجامدانی هەڵسەنگاندنەوە.
لە بڕگەی دووەمی کۆبوونەوەکەدا ،خاتوو بەنان وەهاب بەرپرسی بەشی دایەنگەکان، پلانی ساڵی2024ـی بەشی دایەنگەکان و رێکاری کاری هەماهەنگی و پێشنیار و نیگەرانیەکان پێشکەش کرد.
لەبڕگەی سێهەم دا مافناس هیوا ڕەحمان بەرپرسی بەشی یاسا سیستەمی یاسای کاری دایەنگەکان
یاسای دەستەبەری کۆمەڵایەتی چۆنێتی گۆرینی خاوەندارێتی هەموو رونکردنەوەیەک لەسەر گرفتە یاسایییەکانی پێشکەش پێشکەش بە ئامادەبووان کرد.
لە کۆتایدا چەند گفتگۆیەکی کراوە لە نێوان دایەنگە ناحکومیەکان بۆ بەیەک بەخشینی ئەزموونی کاریان بەڕێوە چوون.