سلێمانی / بۆ بەرزکردنەوەی ئاستیان پێداچونەوە بە مۆڵەتی سەنتەرە حکومی و ناحکومیەکانی ئۆتیزم دەکرێت.
کوێستان موحەممەد :- " هەر سەنتەرێک کەمتەرخەم بێت بەرامبەر منداڵانی توشبووی ئۆتیزم مۆڵەتی لێوەردەگرنەوەو بۆ ئەو مەبەستە پێداچونەوە بۆ سەرجەم سەنتەرەکان دەکەین"
ئەمڕۆ شەممە ، 24ـی شوباتی 2024، خاتوو کوێستان موحەممەد وەزیری کارو کاروباری کۆمەڵایەتی ، بە ئامادەبوونی بێستون جەبار بەڕێوەبەرایەتی گشتی چاودێری و گەشەپێدانی کۆمەڵایەتی لەپارێزگای سلێمانی و ژمارەیەک لە بەرپرسانی بەڕێوەبەرایەتی گشتی پێشوازی لە بەڕێز د.سامان ئەنوەر سەرۆکی لیژنە هەمیشەیەکانی پارێزگای سلێمانی و شاندێکی یاوەری کرد.
پێداچونەوە بەسەنتەرە حکومی و ناحکومیەکان و بێلانەکان و مۆڵەتی بەخێوکار سێ تەوەری گرنگی کۆبوونەوەی ئەمڕۆی بەڕێز وەزیری کارو کاروباری کۆمەڵایەتی بوو تیایدا گفتووگۆ کرا بۆ بەرزکردنەوە ئاستی سەنتەرەکان ، بۆ ئەو مەبەستە بەڕێوەبەرایەتی گشتی بەهەماهەنگی پسپۆڕە دەروونی و لایەنی پەیوەندیدار ژمارەیەک ڕێکار دەگرێتەبەر بۆ پێداچونەوە بەو سەنتەرانەی وەزارەتی تەندروستی و وەزارەتی کار و کارو کاروباری کۆمەڵایەتی مۆڵەتی پێداون.
وەزیری کارو کاروباری کۆمەڵایەتی هەموانی دڵنیاکردەوە کە چاوپۆشی ناکەن و هەر سەنتەرێک کەمتەرخەم بێت بەرامبەر منداڵانی توشبووی ئۆتیزم مۆڵەتی لێوەردەگرنەوەو بۆ ئەو مەبەستە پێداچونەوە بۆ سەرجەم سەنتەرەکان دەکەین.
پشکنینی پزیشکی لە لیژنە هەمیشەیەکان بۆ هاوڵاتیانی خاوەن پێداویستی تایبەت تەوەرێکی تر بوو، کە تیایدا مۆڵەتی بەخێوکار و بێلانەو بەخشراوەکان پاش بینینیان لەلایەن لیژنەکانەوە گفتوگۆی لەبارەوە کرا.
|