" به‌ڕێوه‌به‌رایه‌تی گشتی كۆتایی به ڕاهێنانێكی دوو ڕۆژه بۆ فەرمانبەرانی بەڕێوەبەرایەتی گشتی هێناو بڕوانامه به‌سه‌ر به‌شداربوواندا دابه‌شكرا "
ئەمڕۆ ، ١٥/دیسەمبه‌ری/٢٠٢١ ، لە هۆڵی هۆتێل تایتەنیک و بە سەرپەرشتی وەزارەتی کارو کاروباری کۆمەڵایەتی و بە هاوکاری سندوقی نەتەوەیەکگرتوەکان بۆ کاروباری دانیشتوان (unfpa) ، و لە ژێر دروشمی ,, بەرەنگاربونەوەی توندوتیژی لەسەر بنەمای جێندەری،، کۆتای بە ڕاهێنانێکی دوو ڕۆژە هێنا کە بۆ ژمارەیەک لە فەرمانبەرانی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی و چالاکەوانی سەرشەقام کرابوەوە.
له‌و مه‌راسیمه‌دا به‌ڕێز ،هیوا ڕەحمان ،ڕاوێژکاری یاسایی و سەرپەرشتیاری خولەکە ، وته‌یه‌كی پێشكه‌شكردو له وته‌كه‌یدا وێڕای سوپاس بۆ ئه‌و به‌ڕێزانه‌ی به‌شداربوون له سه‌رخستنی كاره‌كانی ڕاهێنانه‌كه، ئاماژه‌ی به ستراتیجی كاری به‌ڕێوه‌به‌رایه‌تی گشتی كرد له مامه‌ڵه‌كردن له‌گه‌ڵ خول‌و ڕاهێنانه‌كانداو جه‌ختی كره‌وه له‌وه‌ی به‌ڕێوه‌به‌رایه‌تی گشتی ستراتیجیانه ده‌یه‌وێت بایه‌خ به پرسی ژنان لە پارێزگای سلێمانی بدات و بەرزکردنەوەی ئاستی ووشیاری کۆمەڵگای بە پێویست زانی .
ڕاهێانه‌كه له ماوه‌ی دوو ڕۆژدا و بەسەرپەرشتی بەڕێز هیوا ڕەحمان ، ڕاوێژکاری یاسایی ، به‌ڕێوه‌چوو و تیایدا خاتوو ، ئەشواق نەجیب عەبدوڵڵا، ڕاهێنەر و پارێزەر، وانەکانی خولەکەی دەوتەوەو , ئەکادیمیای ژنان بۆسەرکردایەتی لە عێراق ، سپۆنسەری بوو.
له ڕێگه‌ی ئه‌و ڕاهێنانه‌وه فەرمانبەرانی به‌شداربوو بڕوانامەی بەشداریان پێبەخشراو توانای پێویستیان وه‌رگرت بۆ باشتر خزمه‌تكردن لە بواری توندوتیژی دژی ژنان.
|