وەزارەتی کارو کاروباری کۆمەڵایەتی کۆبنەوەیەکی تایبەت بە مۆڵەتی خۆتەرخانکار بەڕێوەدەبات.
ئەمڕۆ چوارشەممە ، 24ـی نیسانی2024، بەسەرپەرشتی خاتوو نەجاح محمد سەرۆکی لیژنەی مۆڵەتی خۆتەرخانکار لە وەزارەتی کارو کاروباری کۆمەڵایەتی و ئامادەبوونی بەڕێزان مافپەروەر هیوا ڕەحمان بەرپرسی بەشی یاسا ، ئاگر بورهان بەرپرسی هۆبەی بەدواداچون لە بەڕێوەبەرایەتی گشتی و لیژنەکانی مۆڵەتی خۆتەرخانکار لە بەڕێوەبەرایەتیە گشتیەکانی سنوری کاری وەزارەتی کارو کاروباری کۆمەڵایەتی ، کۆبونەوەیەکی تایبەت بە چارەسەرکردنی گرفتەکانی مۆڵەتی خۆتەرخانکار بەڕێوەچوو.
بەپێی کارنامەی کاری کۆبونەوەکە ژمارەیەک تەوەر گفتوگۆی لەبارەوەکران کە ئاسانکاری زیاترو کەمکردنەوەی ڕۆتینە بۆ ئەوهاوڵاتیانەی مۆڵەتی خۆتەرخانکار دەیانگرێتەوە ، وە دروستکردنی پەیوەندی تۆڕی تەلەفونی نهێنی بۆ هەندێک کەیس و توندوتۆڵ کردنی لیژنەی پارێزگاکان بۆ بەدواداچون و بەرزکردنەوەی نوسراوەکان و زیاتر ڕای کردنی مامەڵەکان بەشێوەیەکی فەرمی تر.
لەو کۆبوونەوەیەدا ئامادەبووان پێشنیاری گونجاویان بۆ باشتر خزمەتکردنی هاووڵاتیانی خاوەن پێداویستی تایبەت خستەڕوو کە لە ڕۆژانی داهاتوودا بە پێی توانا کاریان لەسەر دەکرێت.
جێی ئاماژەیە ئەم کۆبوونەوەیە لە ڕوانگەی بایەخ و گرنگیپێدانی بەرێوەبەرایەتی گشتی بۆ ژیانی هاووڵاتیانی خاوەن پێداویستی تایبەت و باشتر کردنی پرۆسەی خزمەتکردنیان بە پێی یاساو رێنماییەکان بەرێوەچوو.
|