وەزیری کارو کاروباری کۆمەڵایەتی بەشداری بۆنەیەکی تایبەت بە ڕۆژی جیهانی کەمئەندامان دەکات.
ئەمڕۆ ، ٩/دیسەمبەری/٢٠٢١ ،به‌بۆنه‌ی ڕۆژی جیهانی هاووڵاتیانی خاوه‌ن پێداویستی تایبه‌ت و بە ئامادەبوونی بەڕێزان خاتوو، کوێستان محمد ، وه‌زیری كارو كاروباری كۆمه‌ڵایه‌تی ،نەهرۆ عەبدوڵڵا عەلی ،بەڕێوەبەری گشتی چاودێری و گەشەپێدنی کۆمەڵایەتی ، هیوا ڕەحمان ، ڕاوێژکاری یاسایی ، محمد ڕۇوف، لێپرسراوی هۆبەی کەمئەندامان، ئاماده‌بوونی ژماره‌یه‌ك له ئه‌ندامانی په‌رله‌مانی كوردستان‌و به‌ڕێوه‌به‌ره گشتیه‌كانی وه‌زاره‌ت‌و سه‌رۆك‌و به‌رپرسی یه‌كه‌می ڕێكخراوه‌كانی بواری كه‌مئه‌ندامی‌‌و خاوه‌ن پێداویستی تایبه‌ت‌و نوێنه‌ره‌ی ژماره‌یه‌ك له وه‌زاره‌ته‌كان ، بەشداریان کرد لە بۆنەیەکی تایبەت بە ڕۆژی جیهانی کەمئەندامان و خاوەن پێداویستی تایبەت ،کە یەکێتی کەمئەندامانی کوردستان لە شاری سلێمانی ،ڕێکی خست بوو.
سەرەتا بسامان حسێن سەرۆکی ڕێکخراوی یەکێتی کەمئەندامان لە وتەیەکدا سوپاسی وەزیری کارو کاروباری کۆمەڵایەتی کرد کە هەمیشە پاڵپشت و هاوکار و خەمخەمخۆری کەمئەندامانە و کارەکانی بەڕێزیانی بەرز نرخاند.
پاشان، به‌ڕێز وه‌زیری كارو كاروباری كۆمه‌ڵایه‌تی وته‌یه‌كی پێشكه‌ش كردو له وته‌كه‌یدا سه‌ره‌ڕای پیرۆزبایی لە تەواوی کەمئەندامان و دووپاتكردنه‌وه‌ی پشتیوانی خۆی‌‌و وه‌زاره‌ته‌كه‌ی و سه‌رجه‌م دامه‌زراوه‌كانی كۆمه‌ڵایه‌تی بۆ هاووڵاتیانی خاوه‌ن پێداویستی تایبه‌ت ،ئه‌و كارانه‌ی خسته‌ڕوو كه حكومه‌ت و وه‌زاره‌تی كارو كاروباری كۆمه‌ڵایه‌تی له ماوه‌ی کارکردنیدا ئه‌نجامیداون . وە دەست خۆشی و سوپاسی ئەو ڕێکخراوو کەس و لایەنانەی کرد کە هاوکار و پشتیوانی کەمئەندام و خاوەنپێداویستی تایبەتن.
هه‌ر له‌و مه‌راسیمه‌دا، لە لایەن سامان حسێن سەرۆکی ڕێکخراوی یەکێتی کەمئەندامانی کوردستانەوە خەڵاتی ڕێزو وەفا بەخشرایە هەریەک لە بەڕێزان وه‌زیری كارو كاروباری كۆمه‌ڵایه‌تی و بەڕێوەبەری گشتی چاودێری و گەشەپێدانی کۆمەڵایەتی سلێمانی و ،هیوا ڕەحمان و محمد ڕۇوف ، ژمارەیەک لە بەرپرسانی حکومی و ڕێکخراوەکان كه به‌جۆرێك له جۆره‌كان خزمه‌ت به هاووڵاتیانی خاوه‌ن پێداویستی تایبه‌ت ده‌كه‌ن.
|