لەمەراسیمێکی شایستەدا قوتابیە نابیناو نابیستە سەرکەوتوەکان خەڵات کران.
ڕۆژی دووشەممە ،8ـی ئـابـی2022، بە ئامادەبونی بەڕێزان م.ئیسماعیل ڕەشید، بەڕێوەبەری گشتی چاودێری و گەشە پێدانی کۆمەڵایەتی لە پاێزگای سلێمانی، ژمارەیەک لە کەسایەتیە دیارەکانی شاری سلێمانی مەراسیمێکی شایستە بۆ ئەو قوتابیانە ڕێکخرا کە نمرەی بەرزیان لە قۆناغەکانی خوێندن بەدەست هێناوە.
لەو مەراسیمەدا بەڕێز زاهیر کەریمە ڕەش ،مەدالیای ئاڵتونی بەخشیە هەردوو قوتابی نابینا خاتوو سەناریا کەمال و خاتوو شانیا پاشان هەریەکە لە بەڕێزان بەڕێوەبەری گشتی و حاجی هونەر عومەر سورچی ،ڕێزلێنان و چەپکەگوڵیان بەخشیە قوتابیە نابیستە سەرکەوتوەکان.
ئەوەی شایەنی باسە مەراسیمەکە لەلایەن ڕێکخراوی ڕۆشنایی دڵ بۆ خزمەت لە ژێر دروشمی نەفرەت لە شەڕو ئاژاوەو تێکدان .. بەڵێ بۆ ئاشتەوایی و خوێندن بۆ هەمووان.. لە ساسان کافێ ڕێکخرابوو.
|