بەڕێوەبەرایەتی گشتی بە ئەنجامی ٦ گۆڵ بەرامبەر ۱ گۆڵ شکست دەهێنێت.
کەمئەندامان سەلماندیان کە دەتوانن کاری گەورە ئەنجام بدەن.
ئەمڕۆ دووشەممە، 3ـی تشرینی یەکەمـی2022، لە یاریگای ئازادی ملی لە یاریەکی دۆستانەدا تیپی فەرمانبەرانی بەڕێوەبەرایەتی گشتی ڕوبەڕووی یانەی تیپی تۆپی پێی کەمئەندامانی کۆمەڵەی ڕۆژ بویەوە و لە ئەنجامدا کەمئەندامانی کۆمەڵەی ڕۆژ بە ئەنجامی ٦ گۆڵ بەرامبەر گۆڵێک شکستیان بە فەرمانبەرانی بەڕێوەبەرایەتی گشتی هێنا.
ئەوان سەلماندیان کە مرۆڤ هەرچەندە کەمئەندام بێت دەتوانێ کاری گەورە ئەنجام بدات .شکست و سەرکەوتن لە نەبونی ئەندامێکی جەستە خۆی نابینێتەوەو ئەوەی سەرکەوتن بەدەست دێنێت ئەوانەن هەوڵی زیاتر دەدەن.
بەناوی بەڕێوەبەرایەتی گشتی چاودێری و گەشەپێدانی کۆمەڵایەتیەوە پیرۆزبایی لە یانەی وەرزشی کەمئەندامانی ڕۆژ دەکەین بۆ ئەو سەرکەوتنەو هیوای بەردەوامی و سەرکەوتنی زیاتریان بۆ دەخوازین.
|