بەڕێوەبەری گشتی لە 1ـی تشرینی یەکەم دا پەیامێک ئاراستە دەکات.
ئیسماعیل ڕەشید: - "پێویستە ڕێگە لە مامەڵەی نەشیاو بگیرێت بەرامبەر ئەوکەسانەی کە ڕۆژگارێک لە تەمەنی لاوی و چالاکیاندا خزمەتیان کردووە"
م.ئیسماعیل ڕەشید بەڕێوەبەری گشتی لە پەیامێكیدا بۆ ڕۆژی جیهانی بەساڵاچووان دەڵێت:
بەناوی خوای بەخشندە و میهرەبان
هاوڵاتیانی،خۆشەویست ئەمڕۆ 1ـی تشرینی یەکەم لە ڕۆژی جیهانی بەساڵاچوواندا دوپاتی دەکەینەوە ئێمە لە بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی بایەخی تەواو بە بەساڵاچووان دەدەین، بۆ ئەمەش ، ماڵی بەساڵاچوانمان سەرجەمی خزمەتگوزارییە كۆمەڵایەتی و تەندروستی و دەرونیەکان پێشكەش بەو بەساڵاچووانە دەکات كە شوێنێک بۆ مانەوەیان نیە بۆ بەسەربردنی ژیانێکی شایستە ، هەربۆیەش بەڕێوەبەرایەتی گشتیمان فەراهەمكردنی كەشێكی تەندروست و ژیانێكی شایستە بۆ بەساڵاچووان بەئەركی خۆی دەزانیت .
بەساڵاچووانمان مایەی شانازی ئێمەن و داوا لە تاک بەتاکی کۆمەڵگە دەکەم بە گرنگیەوە لەو چینە بڕوانن و پێویستە ڕێگە لە مامەڵەی نەشیاو بگرین بەرامبەر ئەوکەسانەی کە ڕۆژگارێک لە تەمەنی لاوی و چالاکیاندا خزمەتیان کردوە..
بەڵێن‌و سۆز دوپاتدەكەینەوە بۆ خزمەتكردنی زیاتریان و دەستەبەركردن و پاراستنی مافەکانیان و دابینكردنی سەلامەتی و رێنمایی تەندروستی بۆ سەرجەم بەساڵاچوان.
ئەمڕۆژە پیرۆز بێت لە سەرجەم بەساڵاچووانمان و چەپكە گوڵی وەفاداری و خۆشەویستیان پێشكەش دەكەین. هیوای تەمەن دێژی‌و تەندروستیەكی باش‌و ژیانێكی پڕ لەخۆشی وكامەرانیان بۆ دەخوازین.
ئیسماعیل ڕەشید محەمەد
بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی .
1ـی تشرینی یەکەمـی2022