بەڕێوەبەرایەتی گشتی ڕێزله كاره‌كانی دەزگای خێرخوازی بەخشین ده‌نێت‌و سوپاسنامه‌یەکی تایبه‌تیان پێشكه‌ش ده‌كات.
به‌مه‌به‌ستی گه‌یاندنی سوپاس‌و پێزانینی بەڕێوەبەرایەتی گشتی، ئه‌مڕۆ شاندێکی بەڕێوەبەرایەتی گشتی سه‌ردانی دەزگای خێرخوازی بەخشینی كردو سوپاسنامه‌ی بەڕێوەبەری گشتیان گه‌یانده دەزگاکە.
ئەمڕۆ سێشەممە، 28ـی حوزەیرانـی2022، به‌ڕێز م.ئیسماعیل ڕەشید، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به یاوەری هه‌ریه‌كه له به‌ڕێزان سۆران سه‌عید، بەرپرسی بەشی پلان و بەدواداچون ،مافناس ، هیوا ڕەحمان ، ڕاوێژکاری یاسایی، هیوا سەعید، سەرپەرشتیاری پەروەردەیی ، سەردانی دەزگای خێرخوازی بەخشین کرد و لەلایەن بەڕێزان د.فەخرەدین بەرپرسی دەزگا خێرخوازیەکانی کۆمەڵی دادگەری و والی خالد ، بەرپرسی پەیوەندیەکان ،شێخ محمد لەتیف، بەرپرسی کارگێڕی ، ڕێبوار میرانی ، بەرپرسی ڕاگەیاندن.
لە چوارچێوه‌ی سه‌ردانه‌كه‌دا بەڕێز بەڕێوەبەری گشتی، خه‌ڵاتی سوپاس‌و ڕێزلێنانی خۆیان پێشكه‌ش به دەزگای خێرخوازی بەخشین کرد، له پای ڕۆڵی دڵسۆزانەو بەرچاویان لە هاوکاری کردنی خەڵکانی هەژارو خاوەن پێداویستی تایبەت لە ڕێگەی بەڕێوەبەرایەتی گشتی چاودێری و گەشەپێدانی کۆمەڵایەتی سلێمانیەوە.
هەروەها گفتوگۆ کرا دەربارەی هه‌ماهه‌نگی‌‌و كاری پێكه‌وه‌یی‌‌و ئاسانكاری زیاتر بۆ خزمەتکردنی هاوڵاتیانی خاوەنپێداویستی تایبەت و هەژاران و هەروەک بەڕێز بەڕێوەبەری گشتی دەستخۆشی لە کارەکانیان کردوو هیوای خواست بەردەوام بن.
له به‌رانبه‌ردا دەزگای خێرخوازی بەخشین سوپاسی بەڕێوەبەرایەتی گشتیان كرد له به‌رانبه‌ر هه‌ڵوێستیانداو جه‌ختیان كرده‌وه له‌سه‌ر ئه‌وه‌ی كه ئه‌وان كردوویانە به ئه‌ركی خۆیانی دەزانن و به‌رده‌وامیش ده‌بن له‌سه‌ر ئه‌و هه‌ماهه‌نگی‌‌و پێكه‌وه كاركردنه له پێناو به‌رژه‌وه‌ندی گشتی‌‌و خزمه‌تی زیاتری کەمئەندامان و هەژاران.