به‌ڕێوه‌به‌ری گشتی له‌گه‌ڵ فەرمانبەران و کارمەندانی دیوانی بەڕێوەبەرایەتی گشتی کۆدەبێتەوە گوێ له داواكانیان ده‌گرێت.
ئەمڕۆ ، یەک شەممە ، ١٠ـی نیســـانـی ٢٠٢٢، بەڕێز م. ئیسماعیل ڕەشید، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به ئاماده‌بوونی لێپرسراوانی بەش و هۆبەکان لەگەڵ فەرمانبەرانی دیوانی بەڕێوەبەرایەتی گشتی كۆبوویه‌وه.
تیایدا گفتوگۆی ته‌واو له‌سه‌ر دوو تەوەری گرنگ کرا، تەوەری یەکەم ، بەڕێز به‌ڕێوه‌به‌ری گشتی ڕوونكردنه‌وه‌ی پێویستی ئاراسته‌ی ئاماده‌بووان كرد سه‌باره‌ت به دیدو بۆچوونی خۆی له‌سه‌ر پره‌نسیپ‌و بنه‌ماكانی کاری ئەو ڕێکخراوانەی لەسنوری کاری دەسەڵاتی بەڕێوەبەرایەتی گشتین.
لەتەوەری دووەم دا، بەڕێز بەڕێوەبەری گشتی تیشکی خستە سەر ڕێکخستنەوە میلاکات و دەوام و کاری فەرمانبەران تا کارئاسانی تەواو بۆ کاری هاوڵاتیان و سودمەندان بکرێت.
پاشان ئامادەبوان به راشكاوی بۆچوونی خۆیان له‌سه‌ر پرسه‌كه ده‌ربڕی‌‌و بەڕێز به‌ڕێوه‌به‌ری گشتیش به‌ڕێزو سنگفراوانییه‌وە گوێی لە داواو گرفتەکانیان گرت.
|