په‌یمانگای هانا، پێشانگای ساڵانه‌ی خۆی له به‌رهه‌می فێرخوازانی خاوه‌ن پێداویستی تایبه‌ت كرده‌وه
به ئاماده‌بوونی به‌ڕێز به‌ڕێوه‌به‌ری گشتی‌‌و ژماره‌یه‌ك له به‌رپرسان‌و كارمه‌ندان‌و میوانان، په‌یمانگای هانا بۆ شیاندنی كه‌مئه‌ندامان، پێشانگای ساڵانه‌ی خۆی كرده‌وه.
ڕۆژی دووشه‌ممه، 14ی 5ی 2018، به ئاماده‌بوونی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و خاتوو ئاشتی ئیبراهیم، یاریده‌ده‌ری به‌ڕێوه‌به‌ری گشتی‌‌و ئاشتی نوری، به‌ڕێوه‌به‌ری چاودێری كه‌مئه‌ندامان‌و م.موحه‌ممه‌د سه‌یدقادر، سه‌رپه‌رشتیاری په‌روه‌رده‌یی‌‌و ژماره‌یه‌ك له به‌رپرسان‌و كارمه‌ندانی سنوری به‌ڕێوه‌به‌رایه‌تی گشتی، په‌یمانگای هانا بۆ شیاندنی كه‌مئه‌ندامان، پێشانگای ساڵانه‌ی خۆی كرده‌وه.
له سه‌ره‌تای پێشانگاكه‌دا به‌ڕێز به‌ڕێوه‌به‌ری گشتی وته‌یه‌كی پێشكه‌شكردو تیایدا ده‌ستخۆشی له به‌ڕێوه‌به‌رو ستافی قه‌یمانگا كرد كه دڵسۆزانه كاره‌كانیان له په‌روه‌رده‌و ڕاهێنانی فێرخوازانی خاوه‌ن پێداویستی تایبه‌ت ڕاده‌په‌ڕێنن‌و گیرو گرفته‌كان ڕێگه‌یان لێ ناگرن، هه‌روه‌ك جه‌ختی كرده‌وه له‌سه‌ر گرنگی كاری ڕاهێنان‌و فێركردنی پیشه‌و هونه‌ر به منداڵان‌و گه‌نجانی خاوه‌ن پێداویستی تایبه‌ت له كۆمه‌ڵگه‌دا، له كۆتایی وته‌كه‌شیدا به‌ڕێز به‌ڕێوه‌به‌ری گشتی پیرۆزبای له فێرخوازان كرد بۆ كاره جوانه‌كانیان‌و هیوای سه‌ركه‌وتنیشی بۆ ستافی په‌یمانگا خواست.
به‌ڕێز خاتوو نازه‌نین عه‌لی، به‌ڕێوه‌به‌ری په‌یمانگای هانا، وته‌یه‌كی پێشكه‌شكردو تیایدا سه‌ڕه‌رای سوپاسی به‌ڕێوه‌به‌رایه‌تی گشتی‌‌و ئاماده‌بووانی بۆنه‌كه، خۆشحاڵی خۆی ده‌ربڕی كه سه‌ره‌ڕای قه‌یرانی دارایی به‌ڵام په‌یمان له ساڵانی ڕابردوو باشتر توانیویه‌تی به ئه‌ركه‌كان هه‌سیتَت‌و به‌رهه‌می باش له‌م پێشانگایه‌یدا بخاته ڕوو.
له بڕگه‌یه‌كی تری بۆنه‌كه‌دا، خه‌ڵاتی ڕێزلێنان به‌خشرایه فێرخوازانی په‌یمانگای هانا‌و دواتر پیشانگاكه‌و به‌رهه‌مه‌كانی له‌لایه‌ن به‌ڕێز به‌ڕێوه‌به‌ری گشتیه‌وه كرایه‌وه‌و ده‌رگای بینینی بۆ ئاماده‌بووان خرایه سه‌رپشت.
جیاواز له ساڵه‌كانی ڕابردوو، پێشانگای ئه‌مساڵی په‌یمانگای چه‌ندین به‌رهه‌می زۆر ناوازه‌ی له به‌رهه‌می كاری فێرخوازان‌و مامۆستاو ڕاهێنه‌رانی خستوویه‌وه ڕوو كه ئاماده‌بوانی سه‌رسام كردبوو.