به‌ڕێوه‌به‌ری گشتی سه‌نته‌ری ئۆتیزم‌و په‌یمانگای ئاوات بۆ په‌روه‌رده‌ی مێشك به‌سه‌رده‌كاته‌وه
سه‌ر له به‌یانی ئه‌مڕۆ، 3ی 4ی 2017، به‌ڕێز م.عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی سه‌ردانی سه‌نته‌ری ئۆتیزم بۆ ڕاهێنانی منداڵانی ئۆتیزم‌و په‌یمانگای ئاوات بۆ په‌روه‌رده‌ی مێشكی سه‌ر به به‌ڕێوه‌به‌رێتی چاودێریی كه‌مه‌ندامانی سلێمانی كرد.
له‌‌و دوو سه‌رانه‌دا كه له سه‌عات 8.15 تا 9.30ی سه‌ر له‌به‌یانی ئه‌نجامدران، به‌ڕێوه‌به‌ری گشتی چاوی به به‌ڕێوه‌به‌رو كارمه‌ندانی هه‌ردوو سه‌نته‌ره‌كه كردو خۆشحاڵبوون به‌وه‌ی كاره‌كانیان به ڕووحیه‌تێكی به‌رزه‌وه جێ به‌جێده‌كه‌ن، هه‌روه‌ك له وته‌یه‌كی كورتیدا جه‌ختی له‌سه‌ر باشتركردنی ئه‌داو خزمه‌تی منداڵان كردو هیوای خواست له داهاتوودا كارو چالاكییه‌كی باشتر پێشكه‌ش بكه‌ن، بۆ ئه‌و مه‌به‌سته‌ش ڕایسپاردن به چه‌ند هه‌نگاوێك كه له داهاتوودا كاری له‌سه‌ر بكه‌ن.
هه‌ردوو سه‌نته‌ری ئۆتیزم‌و ئاوات، دوو دامه‌زراوه‌ی سه‌ر به به‌ڕێوه‌به‌رێتی چاودێریی كه‌مئه‌ندامانن‌و یه‌كه‌میان بۆ ڕاهێنانی منداڵانی ئۆتیزم‌و دووه‌میان بۆ په‌روه‌رده‌ی مێشك‌و منداڵانی داون له خۆده‌گرێت.
|