به‌ڕێوه‌به‌ری گشتی هه‌ردوو دایه‌نگه‌ی (گوڵاڵه سووره)و (ته‌رزه)ی ناحكومی به‌سه‌رده‌كاته‌وه
له ڕۆژی پشووی ئاسایی هه‌فتانه‌ی خۆیدا، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی هه‌ر دوو دایه‌نگه‌ی ته‌رزه‌و گوڵاڵه سووره‌ی ناحكومی به‌سه‌ركرده‌وه.
ئه‌مڕۆ شه‌ممه، 18ی 3ی 2017، به‌ڕێز م.عومه‌ر گوڵپی، به‌رێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له‌پارێزگای سلێمانی هه‌ردوو دایه‌نگه‌ی (ته‌رزه)و (گوڵاڵه سووره)ی ناحكومی به‌سه‌ركرده‌وه.
له به‌سه‌ركردنه‌وه‌كانیدا بۆ هه‌ردوو دایه‌نگه‌ی ناوبراو، به‌ڕێوه‌به‌ری گشتی ژیانی ڕۆژانه‌ی منداڵه‌كانی به‌سه‌ركرده‌وه‌و له به‌رنامه‌ی ڕۆژانه‌ی دایه‌نگه وردبوویه‌وه‌و سه‌ردانی هۆڵ‌و ژووره جیاجیاكانی دایه‌نگه‌كانی كردو شوێنی یاریی‌‌و نانخواردن‌و چێشتخانه‌و ته‌ندروستی‌‌و پاك‌و خاوێنی دایه‌نگه‌كانی به‌سه‌ركرده‌وه.
هه‌ر له سه‌ردانه‌كه‌یدا، به‌ڕێوه‌به‌ری گشتی‌‌و هاوڕێكانی پاش بینینی دۆسیه‌ی دایه‌نگه‌و ستافی كاركردنی دایه‌نگه، سه‌ره‌ڕای ده‌ستخۆشی له لایه‌نه باشییه‌كانیان، ڕێنمایی به‌ڕێوه‌به‌رو ستافی دایه‌نگه‌ی كرد زۆرتر گرنگی به منداڵه‌كان‌و چالاكییه جۆراوجۆره‌كانیان بده‌ن، هه‌روه‌ك بۆ دڵنیابوونه‌وه له باش به‌ڕێوه‌چوونی كاره‌كانی دایه‌نگه به‌ڕێوه‌به‌ری دایه‌نگه‌كانی ڕاسپارد دوای جه‌ژنی نه‌ورۆز سه‌ردانی به‌شی دایه‌نگه‌كان بكه‌ن‌و ڕێنمایی زیاتر وه‌رگرن.
جێی ئاماژه‌یه یه‌كێك له‌و بوارانه‌ی جێگه‌ی بایه‌خی به‌ڕێوه‌به‌رایه‌تی گشتی‌‌و خودی به‌ڕێز به‌ڕێوه‌به‌ری گشتی ژیان‌و خزمه‌تگوزاری كۆمه‌ڵایه‌تی‌‌و ده‌روونی‌‌و جه‌سته‌ییه له دایه‌نگه‌كاندا‌و به‌رده‌وام به‌دواداچوونی پێویست ده‌كرێت‌و دایه‌نگه‌كان بۆ به‌رزركردنه‌وه‌ی زیاتری ئاستیان هانده‌درێن، له‌م بواره‌شدا به‌پێی ڕێنماییه‌كان ده‌ستخۆشی له كاره باشه‌كان ده‌كرێت‌و سزای سه‌رزه‌نشتیش ئاراسته‌ی كه‌م‌و كورتی دایه‌نگه‌كان ده‌كرێت.
|