+وێنە.. ئێوارەخوانی بەربانگ بۆ سودمەندانی ماڵی بەساڵاچوان ساز کرا.
ئێوارەی ئەمڕۆ ،یەکشەممە 24ـی ئـــــاداری 2024، بەڕێزان خاتوو شاناز ئیبراهیم ئەحمەد خانمی یەکەمی عێراق ، خاتوو کوێستان موحەممەد وەزیری کارو کاروباری کۆمەڵایەتی لەگەڵ سودمەندانی ماڵی بەساڵاچوان بەربانگیان کردەوە و دیاری تایبەت پێشکەش بەسودمەندان کران.
بەڕێز وەزیری کارو کاروباری کۆمەڵایەتی خۆشحاڵی خۆی بۆسەردانەکەی خانمی یەکەمی عێراقی دەربڕی و سوپاسی ڕێکخستنی ئێوەرە خوانەکەی لێکرد ، خاتوو کوێستان موحەمەد کارمەندانی ماڵەکانی سەر بەچاودێری کۆمەڵایەتی بە سەربازی وون وەسف کرد کەسەرەڕای قەیرانەکان و دواکەوتنی مووچە دەسبەرداری خزمەتەکانیان نەبوون بۆ سودمەندانی.
پاش بەسەرکردنەوەی سودمەندان لەناو هۆڵەکاندا لە دانیشتنێکدا خاتوو ژیار جەلال بەڕێوەبەری چاودێری کۆمەڵایەتی سلێمانی گیروگرفتەکانی ماڵی بەساڵاچوانی ڕوون کردەوەو خانمی یەکەمی عێراق بڕیاری هاوکاری داو پشتیوانی خۆی بۆ دوپاتکردنەوە.
ئێوارەخوانەکە بە ئامادەبوونی جێگری بەڕێوەبەری چاودێری کۆمەڵایەتی سلێمانی ، خاتوو بەناز کەریم بەڕێوەبەری ماڵی ماڵی بەساڵاچوان و ستاف و کارمەندانی بەڕێوەبەرایەتیەکەبوو.
|