بەڕێوەبەرایەتی گشتی لە ڕێگەی زیادکردنی ئاشکراوە، دایەنگەی (دەروازە ستی) بەکرێدەدات
بە پێی نووسراوی ژمارە (2094)ی دەرچوو لە بەشی یاسا، بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی، دایەنگەی دەروازە ستی کە دەکەوێتە ناو پڕۆژەی نیشتەجێبوونی دەروازە ستی بۆ ماوەی یەک ساڵ بە پێی یاسای فرۆشتن و بەکرێدانی داراییە گوزراوەو نەگوازراوەکانی دەوڵەت، ژمارە 1ی ساڵی 2021 دەدات بە کرێ.
بە پێی ئەو بانگەوازە، هەرکەسێک ئارەزووی بەشداریکردنی هەیە لە زیادکردنەکەدا، دەتوانێت سەردانی بەڕێوەبەرایەتی گشتیمان بکات و بەمەبەستی بینینی بینای دایەنگەکەو دانانی بارمتەی یاسایی بە بڕی (6000000) شەش ملیۆن دینار، وە زیادکردنەکە ڕۆژی 25ـی 6ـی 2023 لە ناو بینای دایەنگەکە لە شاری نیشتەجێبوونی دەروازە ستی ئەنجام دەدرێت.
بەشداربوو دەبێت مەرجەکانی کردنەوەو بەڕێوەبردنی دایەنگەی تێدابێت، وە هەرکەسێک زیادکردنەکەی بەشێوەیەکی کۆتایی لەسەر دەگیرسێتەوە بەڵێن بدات کە بیناکە تەنها بۆ دایەنگە بەکاردەهێنێت و دەست بەجێ داوای وەرگرتنی مۆڵەتی دایەنگە دەکات و پێویستە لەسەر ئەو کەسەی بیناکە بەکرێ دەگرێت بینا بەپێی مەرج و داواکاریەکانی بەشی دایەنگاکان ڕێک بخات و بیگونجێنێت و کەمو کوڕی بیناکە چارەسەر بکات.
ڕووبەری گشتی (780) مەتر دووجایەو ڕوبەری بینا (319)م دووجایە دەکەوێتە ناو پڕۆژەی نیشتەجێبوونی دەروازەستی ، بیناکە پێک هاتووە لە دوو نهۆم و باخچەیەک.
ڕاگەیاندنی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی.
13ـی حوزەیرانی 2023
|