بەمەبەستی بەردەوامی دان و ڕێکخستنەوەی کارەکانی پڕۆژەی (یەکسانی لەسەر بنەمای جۆری کۆمەڵایەتی وبەهێزکردنی ژنان) بۆ ساڵی 2023 لە هەرێمی کوردستان ڕۆژی چوارشەممە، 11ـی کانوونی دووەمی2023، بەڕێز خاتوو زەکیە سەید صاڵەح ،بریکاری وەزیری کار و کاروباری کۆمەڵایەتی بە ئامادەبونی بەڕێزان م.ئیسماعیل ڕەشید ،بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی و بەڕێوەبەرانی گشتی (هەولێر،دهۆک، هەڵەبجە،ئیدارەی گەرمیان)لەگەڵ شاسوار صدیق ، سەرپەرشتیاری پڕۆژە لە پارێزگای سلێمانی و سەرپەرشتیارانی پڕۆژەلە پارێزگاکانی هەولێر و دهۆک کۆبویەوە.


سەرەتا بەڕێز خاتوو زەکیە وتەیەکی پێشکەش کردوو تیشکی خستە سەر کارەکانی پڕۆژەکە لەهەرێمی کوردستان و دانانی پلانێکی تۆکمە بۆ ساڵی 2023 تا بتوانرێت زۆرترین خزمەت بە کچان وژنان بکرێت، پاشان بەشدار بوان ڕاو سەرنجی خۆیان لەسەر پڕۆژەکە دەربڕی و بڕیار درا لە ساڵی 2023 بە پشتیوانی و هەماهەنگی سندوقی نەتەوەیەکگرتوەکان بۆ دانیشتوان(UNFPA) بەردەوامی پێبدرێت و چالاکی جۆراو جۆر و چارەسەرکردنی گرفتەکانی ژنان پەرەی پێ بدرێت و نەهێشتنی توندوتیژیی جۆری کۆمەڵایەتیی وبەشداریپێکردنی گەنجان باسی لێوەکرا.

ئەوەی جێی باسە پڕۆژەی(یەکسانی لەسەر بنەمای جۆری کۆمەڵایەتی وبەهێزکردنی ژنان) بە پاڵپشتی دارایی‌ رێکخراوی‌ (UNFPA) ، یەکێک لە پڕۆژە گرنگ و کاریگەرەکانی‌ هەرێمی کوردستانەو لە ماوەی‌ڕابردوودا خزمەتێکی‌ گەورەی‌ بە پرسی ژنان و خیزان کردووە.