کوێستان محەمەد سەرپەرشتی یەکەم کۆبونەوەی ئەنجومەنی وەزارەتی لە ساڵی نوێ کرد.
ڕۆژی دووشەممە،9ـی کانوونی دووەمی2023، بەسەرپەرشتی بەڕێز خاتوو کوێستان محەمەد، وەزیری کارو کاروباری کۆمەڵایەتی و ئامادەبوونی بەڕێزان خاتوو زەکیە سەید صاڵەح ، بریکاری وەزیر ، م. ئیسماعیل ڕەشید ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی و بەڕێوەبەرانی گشتی (دیوان ، هەولێر ،دهۆک، هەڵەبجە ،ئیدارەی گەرمیان ، ڕاپەڕین ) سەرجەم ئەندامانی ئەنجوەنەکە یەکەم کۆبونەوەی ئەنجومەنی وەزارەت لەساڵی نوێ دا بەڕێوەچوو.
دەستپێکی کۆبونەوە خاتوو کوێستان محەمەد وتەیەکی پێشکەش کردوو تێیدا دەست خۆشی خۆی بۆ ئەندامانی ئەنجومەنەکە راگەیاند ، کە بەیەک تیم کارەکانی وەزارەت لەسەرجەم سێکتەرەکاندا رادەپەرێنن .
پاشان چەند تەوەرێکی گرنگ گفتوگۆی لەبارەوە کرا گرنگ ترینیان چارەسەر کردنی کێشەو گرفتەکانی منداڵانی ئۆتیزم و سەنتەرو پەیمانگاکانی سەر بە وەزارەتی کار و ڕێکخستنەوە و بە سیستم کردنی هاوکاری کەمئەندامی باسی لێوە کرا.
لە تەوەرێکی تردا بڕیاردرا لە ماوەیەکی نزیکدا لە بەڕێوەبەرایەتیەکانی تۆڕی پاراستن دەست بە دروستکردنی لیسێکی نوێی هەژاران لە هەرێمی کودستان لەسەر فۆڕمی وەزارەتی کار و کاروباری کۆمەڵایەتی عێراق بکرێت تا بتوانرێت لە داهاتودا هاوکاری بۆ ئەو هاوڵاتیانە دابین بکرێت کە لەخوار هێڵی هەژاریەوەن،
هەروەها چەند تەوەرێکی تر لەسەر دەوامی فەرمانبەران و ڕێکخستنەوەی کاری بەڕێوەبەرایەتیە گشتیەکان بۆ ساڵی 2023 گفتوگۆی چڕی لەبارەوە کران.
|