بەڕێوەبەری گشتی بە نوێنەرایەتی وەزیری کارو کاروباری کۆمەڵایەتی دوو خانەوادەی خاوەنپێداویستی تایبەت بەسەردەکاتەوەو داواکاریەکانیان جێبەجێ دەکات.
بەڕێوەبەری گشتی : هیچ کاتێک هێندەی ئەوکاتە دڵشاد نەبووم کە توانیبێتمان کەمئەندامێک دڵخۆش بکەین.
ڕۆژی دوو شەممە، ۲٥ـی ئازارـی ٢٠٢٢، بەڕێز م. ئیسماعیل ڕەشید محەمەد، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، بەنوێنەرایەتی بەڕێز خاتوو کوێستان محەمەد ،وەزیری کارو کاروباری کۆمەڵایەتی ، هاوڕێیەتی بەڕێز هیوا ڕەحمان ، ڕاوێژکاری یاسایی، خاتوو بەنان وەهاب ،توێژەری کۆمەڵایەتی، دوو خانەوادەی خاوەنپێداویستی تایبەتیان بەسەر کردەوە.
بەڕێزیان لە نزیکەوە لە بارودۆخ و ڕەوشی خانەوادەکانی پرسیەوەو دیاری خاتوو کوێستان محەمەد ، وەزیری کارو کاروباری کۆمەڵایەتی پێ بەخشین کە دوو کورسی کارەبایی بوو بۆ دوو کەمئەندامی شەلەل دەماغ و لای خۆیانەوە خانەوادەکان سوپاسی هەریەک لە بەڕێزان وەزیری کارو بەڕێوەبەری گشتی کرد بۆ بەسەرکردنەوەکەیان
شایەنی باسە بەڕێزان خاتوو کوێستان محەمەد و بەڕێز بەڕێوەبەری گشتی بەدرێژایی مانگی پیرۆزی رەمەزان بەرنامەیەکى تایبەتیان بۆ هاوکاری خێزان و ماڵە هەژارو کەمدەرامەتانەى کە لە دۆخێکى دارایی خراپ و ناهەمواردا ژیان بەسەر دەبەن ڕێکخست و لەو چوارچێوەیەش دا هاوکاریەکان گەیەندراوەتە ژمارەیەک ماڵی کەمدەرامەت و خاوەنپێداویستی تایبەت.
|