بەڕێوەبەری گشتی سەردانی بەڕێوەبەرایەتی گشتی پەروەردەی سلێمانی دەکات.
ئەمڕۆ یەک شەممە، ١٧ـی نیسانـی٢٠٢٢، بەڕێز م. ئیسماعیل ڕەشید محەمەد، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، بە هاوڕێیەتی بەڕێزان ئاراس ناصر ، لێپرسراوی پارێزگاری خێزان ، ەهیوا ڕەحمان ڕاوێژکاری یاسایی، سەردانی بەڕێوەبەرایەتی گشتی پەروەردەی سلێمانی کرد و لەلایەن بەڕێز م.دڵشاد محەمەد بەڕێوەبەری گشتی پەروەردەی سلێمانی پێشوازیان لێ کرا.
لەو سەردانەدا گفتوو گۆ لەسەر دوو تەوەری گرنگ کرا
یەکەمیان پێداچونەوە بەو پڕۆگرامی خوێندنی قوتابیانی سەنتەرو پەیمانگاکانی سەر بە وەزارەتی کارو کاروباری کۆمەڵایەتی بە جۆرێک لەگەڵ قوتابیانی خاوەنپێداویستی تایبەت بگونجێت.
تەوەری دووەم گفتوگۆ کرا لەسەر ئەو موڵک و بینایانەی خاوەنداریەتی دەگەڕێتەوە بۆ وەزارەتی کارو کارو باری کۆمەڵایەتی ئێستا لە لایەن پەروەردەی سلێمانی خزمەتی تێدا دەکرێت و بەجۆرێک پاش گەڕاندنەوەی بۆ خزمەت کردنی منداڵانی خاوەنپێداویستی تایبەت بەکار بهێنرێت ، هەردولا هاوڕا بوون لەسەر چارەسەر کردنی کێشەو گرفتەکان و بڕیار درا بۆ ئەو مەبەستە لیژنەیەک پێک بهێنرێت و بە زووی دەست بەکارەکانی بکات.
|