پەیامی بەڕێوەبەری گشتی بۆ ڕۆژی جیهانی ئۆتیزم.
بەڕێوەبەری گشتی بۆ ساڵ ڕۆژی جیهانی ئۆتیزم: بە پێویستی دەزانین ئاوڕێکی جدی و پێویست لە تووشبوانی ئۆتیزم و خانەوادەکانیان بدەینەوە .
بەڕێزان.. هاوڵاتیانی خۆشەویست.. کەس و کاری خۆشەویستی توشبووانی ئۆتیزم ،ئەمڕۆ دووـی نیســـــان ، لە ڕۆژی جیهانی هۆشیاری ئۆتیزم دا،بە ناوی خۆم و بەڕێوەبەرایەتی گشتـی چاودێڕی و گەشە پێدانی کۆمەڵایەتی لە پارێزگای سلێمانی ، پاڵپشتی و پشتیوانی خۆمانتان بۆ ڕادەگەیەنین و بە پێویستی دەزانین ئاوڕێکی جدی و پێویست لە تووشبوانی ئۆتیزم و خانەوادەکانیان بدەینەوە .
ئێمە لە بە ڕێوەبەرایەتی گشتی چاودێری و گەشە پێدانی کۆمەڵایەتی لە پارێزگای سلێمانی ، سەنتەرێکی حکومی تایبەتمان بە منداڵانی ئۆتیزم هەیە کە شەش ڕۆژ لە هەفتەدا (٥٥ تــــا ٦٥) منداڵی توشبووی ئۆتیزم لەخۆ دەگرێت و مامۆستای تایبەت و پسپۆڕ ڕاهێنانیان پێدەکەن ، دڵنیاتان دەکەین لە هەوڵی جدی دەبین بۆ زیاد کردنی ئەو ژمارەیەو خزمەت کردنی زیاتر بە توشبوانی ئۆتیزم وێڕای هاوسۆزیمان لەگەڵ کەس و کاری توش بوانی ئۆتیزم ،دڵنیاتان دەکەینەوە کە بەردەوام دەبین لە داکۆکی کردن لە مافەکانی ئەو توێژەو ،بە ئەرکێکی ئەخلاقی و نیشتیمانی دەزانین ، تا زیاتر مافەکانیان دەستەبەر بێت.
داواکارین لە خوای میهرەبان کە هەموولایەک بەدوور بکات و هەموو لایەک لەش ساغ و تەندروست باش بن.
ئیسماعیل ڕەشید محەمەد
بەڕێوەبەری گشتی چاودێری و گەشەپێدانی کۆمەڵایەتی سلێمانی
٢ـی نیســـــانی ٢٠٢٢
|