بەڕێوەبەری گشتی پێشوازی لە شاندێكی ڕێكخراوی (DHRD) كرد.
ئەمڕۆ ،١شممە ، ١٦ی كانوونی دووەمی /٢٠٢٢ ، بەڕێز، نەهرۆ عەبدوڵڵا عەلی ، بەڕێوەبەری گشتی چاودێری و گەشەپێدانی كۆمەڵایەتی لە پارێزگای سلێمانی بە وەكالەت ، بە ئامادەبوونی بەڕێزان ، ئاراس ناصر ، لیپرسراوی پارێزگاری خێزان ، هیوا ڕەحمان ، ڕاوێژكاری یاسایی ، لە دیوانی بەڕێوەبەرایەتی گشتی ، پێشوازی كرد لە شاندێكی ڕێكخراوی (DHRD) سەنتەری پەرەپێدانی دیموكراتی و مافی مرۆڤ ،كە پێك هاتبوون لە بەڕێزان ، كارزان فاضل بەڕێوەبەری ڕێكخراو ، تەلار كەمال ، بەرێوەبەری بەرنامەكان . كاردۆ ڕەزا ، پارێزەری پڕۆژە.
سەرەتا شاندی میوان مەبەستی سەردانەكەیان ڕوون كردەوە كە خۆی لە هەماهەنگی بۆ ئاگادار بوون لە كارو چالاكیەكانی ڕێكخراوەكەیان بۆ ساڵی ٢٠٢٢ دەبینێتەوە چارەسەر كردنی ئاستەنگەكان و ئەو كێشەو گرفتانەی لە ماڵەكانی داڵدەدانی ژنانی هەڕەشەلێكراو هەیە.
پاشان بەڕێوەبەری گشتی هاوكاریەكانی ڕێكخراوی بە گرنگ وەسف كردو پاڵپشتی خۆی و بەڕێوەبەرایەتی گشتی بۆ شاندی میوان دوپات كردەوەو بڕیارە لە داهاتویەكی نزیكدا كۆبوونەوەیەكی فراوان لەو بارەوە ئەنجام بدرێت.
|