ئەندریای نوسەر سەرەڕای بەربەستەکان بەسەرکەوتووی بڕوانامەی بەکالۆریۆسی بەدەستهێنا.
ئەمڕۆ چوارشەممە، 8ـی ئـــایــاری2024 ، بەڕێوەبەرایەتی گشتی مەڕاسیمێکی شایستەی لە پارکی ئازادی سلێمانی بۆ ئەندریای نوسەر و خاوەن پێداویستی تایبەت ڕێکخست.
مەڕاسیمەکە بە ئامادەبوونی بەڕێزان بێستون جەبار بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت ، ژمارەیەک لە کارمەندانی بەڕێوەبەرایەتی گشتی و کەس و کارو خزمانی بەڕێوەچوو.
لەومەڕاسیمەدا بەڕێز بەڕێوەبەری گشتی بەوەکالەت چەپکەگوڵی پیرۆزبایی پێشکەش بە ئەندریا کردو هیوای بەردەوامی و سەرکەوتنی زیاتری بۆ خواستن و پشتیوانی خۆی بۆ دووپات کردەوە.
ئەندریا پێشرەو عەلی ، خوێندکاری دواقۆناغی زمان بەشی کوردی زانکۆی سلێمانیە و لەمندالیەوە توش بونی نەخۆشی ئیفلیجی مێشکە، بەوهۆکارە وەک خوێندکارێکی ئاسایی نەیتوانیوە بخوێنێ ، بۆیەلەتەمەنی ١٥ سالی چوەتە بەر خوێندن و لەماوەی خوێندن و لەقۆناغی شەشی ئامادەیی توشی زۆرترین رێگری وئاستەنگ بوەتەوە ، هەموو ئەو ئاستەنگیانەی وایان کرد کە بتوانێت کتێبێک بەناوی
چیرۆکەکانی ئەندریا بنوسێت و باس لە ئاستەنگ ورێگری وگیروگرفت وکێشە هەملایەنەکانی ژیانی تیاکردوە.
|