ئەمڕۆ ٢٠٢٠/١٢/١٧ به‌ئاماده‌بوونى بەڕێزان خاتوو ئاشتی ابراهیم محی دین بەڕێوەبەری گشتی چاودێری و گەشەپێدانی کۆمەڵایەتی بە وەکالەت ،و نەهرۆ عبدالله ،بەڕێوەبەری تۆڕی پاراستنی کۆمەڵایەتی سلێمانی، و سۆران سعید ، لێپرسراوی بەشی پلان و خاتوو حەلیمە فتاح، لێپرسراوی بەشی دایەنگەکان، و ژمارەیەک لە کارمەندانی بەڕێوەبەرایەتی گشتی چاودێری و گەشەپێدانی کۆمەڵایەتی،لە دیوانی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی لە ڕێوڕەسمێکدا ڕۆژی ئاڵای کوردستان بەرز ڕاگیرا. هەر بەو بۆنەیەوە بەڕێز بەڕێوەبەری گشتی بە وەکالەت ڕایگەیاند بە ناوی بەڕێوەبرایەتی گشتی چاودێری و گەشەپێدانی کۆمەڵایەتیەوە پرسەو سەرەخۆشی و ماتەمینی خۆمان بۆ گیانی پاک و ڕۆحی باڵای سەرجەم شەهیدانی خۆپشاندانەکانی ڕۆژانی ڕابردوی هەموو ناوچەکانی کوردستان و سەرجەم شەهیدانی ڕێگەی کوردستان دەردەبڕین ، و هیوای چاکبونەوەی خێرا بۆ گشت بریندارەکان دەخوازین.
ئەمڕۆ رۆژى ئاڵاى کوردستانەو، ١٧ی ١٢ وەک ڕۆژی ئاڵای کوردستان دیاریکراوە و ساڵانە لەم ڕۆژەدا له‌دامه‌زراوه‌كانی حکومه‌ت و ته‌واوی چین و توێژه‌كانی دیكه‌ ئه‌م یاده‌ به‌رز ڕاده‌گیرێ.