ئەمڕۆ یەکشەممە، 14ـی‌ ٥ـی 2026، ژیلوان عادل شکور، بەڕێوەبەری‌ گشتی‌ چاودێری‌ و گەشەپێدانی‌ کۆمەڵایەتی‌ لە پارێزگای‌ سلێمانی‌‌و ئامادەبوونی‌ هێمن محەمەد بەرپرسی ڕاگەیاندن پیشوازی کردن لە شاندێکی‌ ڕێکخراوی‌ بەرات بۆ کاری مرۆیی، کە پێکهاتبوون لە بەرێزان م. ئاری عەزیز سەرۆکی ڕێکخراو، م.کامەران حەمەسەعید جێگری بەڕێوەبەر و م.دیاری عوسمان.

ئامانجی‌ سەردانەکە بریتبوو لە هەماهەنگی‌ لە پێناو کاری‌ هاوبەش بۆ خزمەتی‌ هەژاران و کەمئەندامان بەشێوەیەکی‌ گشتی‌ و کاری خێرخوازی.

لەو دیدارەدا بەڕێز بەڕێوەبەرەی‌ گشتی‌ لە ڕوانگەی‌ یاساو ڕێنماییە بەرکارەکانەوە، بنەماو پڕەنسیپە گشتیەکانی‌ کاکردنی‌ لە بواری‌ کاری مرۆیی بۆ ئامادەبووان خستەڕوو، هەروەک ئامادەیی‌ بەرێوەبەرایەتی‌ گشتی‌ و سەرجەم دامەزراوەی‌ کۆمەڵایەتی‌ لە سنوری‌ پارێزگای‌ سلێمانی‌ پیشاندا بۆ هەماهەنگی‌ و کاری‌ پێکەوەی‌ لە پێناو پاراستنی‌ کاری خێرخوازی و دەستگیرۆی هەژاران و ڕەخساندنی‌ ژینگەیەکی‌ گونجاو بۆ ژیانی‌ هاوڵاتیان.