ئەمڕۆ شەممە، 14ـی 2ـی 2026، ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی، پڕۆسەی دابەشکردنی نەوتی سپی بەسەر هاوڵاتیانی خاوەن پێداویستی تایبەت لە بەنزیخانەی چوارباخ بەسەرکردەوە.

لەوبەسەرکردنەوەیەدا بەڕێوەبەری گشتی چاوی بە لیژنەی  بەڕێوەبەرایەتی گشتی و خاوەنی بەنزیخانەی چوارباخ کەوتو ڕایسپاردن ئاسانکاری تەواو بۆ هەموو ئەو خاوەن پێداویستیە تایبەتانە بکەن کە کە دێن بۆ وەرگرتنی بەشە نەوتەکانیان و هەروەک لەنزیکەوە لەگەڵ هاوڵاتیان گفتووگۆی کردوو لەچۆنیەتی بەڕێوەچوونی پڕۆسەکەی پرسیەوە.

ئەوەی جێگەی باسە حکومەتی عێراقی فیدراڵ بڕی یەک ملیۆن لیتر نەوتی سپی لەسەر داوای پارێزگای سلێمانی بۆ ئەوهاوڵاتیانە دابین کردووەو بەڕێوەبەرایەتی گشتی سەرپەرشتی پڕۆسەکە دەکات و بڕی 100 لیتر دەدرێتە 10000خێزانی خاوەن پێداویستی تایبەت.