ئەمڕۆ چوارشەممە، 11ـی 2ـی 2026، بەئامادەبوونی شاهۆ عوسمان، جێگری پارێزگاری سلێمانی، نەهرۆ عەبدوڵا بەڕێوەبەری تۆڕی پاراستنی کۆمەڵایەتی سلێمانی، هیواڕەحمان نوێنەری بەڕێوەبەری گشتی چاودێری و گەشەپێدانی کۆمەڵایەتی سلێمانی، ژمارەیەک لە بەرپرسانی ڕێکخراو و کۆمەڵەکانی بواری خاوەن پێداویستی تایبەت، دەست بەدابەشکردنی نەوت بەسەر هاوڵاتیانی خاوەن پێداویستی تایبەت کرا.

لەکۆنگرەیەکی ڕۆژنامەوانیدا جێگری پارێزگاری سلێمانی پڕۆسەکەی بۆ کەناڵەکانی ڕاگەیاندن ڕوونکردەوە و ووتی" حکومەتی عێراق لەسەرداوای پارێزگای سلێمانی بڕی یەک ملیۆن لیتری دابین کردوە بۆ ئەو هاوڵاتیە خاوەن پێداویستیە تایبەتانەی کەمدەرامەتن وەبۆ هەر خێزانێک بڕی 100لیترەو دەدرێتە 10000خێزانی شاری سلێمانی"

ژیلوان عادل شکور بەڕێوەبەری گشتی بەوەکالەت بە سایتی فەرمی بەڕێوەبەرایەتی گشتی ڕاگەیاند"هەوڵەکانی جێگری پارێزگاری سلێمانی بۆ دابین کردنی نەوتی سپی بۆخاوەن پێداویستی تایبەت بەرز دەنرخێنم و ئێمە وەک بەڕێوەبەرایەتی گشتی سەرپەرشتی دەکەین و ئەوخێزانانەی لێی سودمەند دەبن لەلایەن بەڕێوەبەرایەتی گشتی و ڕێکخراوەکانی بواری کەمئەندامی دەستنیشان کراون و تیایدە هەوڵدراوە شایستەترین سودمەند بێت"
هەروەک وتیشی"پڕۆسەکە ئەمڕۆ دەستی پێردوەو ماوەی 10 ڕۆژ و لەکاتژمێر 8ی بەیانی بۆ 5ـی ئێوارە بەردەوامی دەبێت و ئاسانکاری تەواو بۆ سودمەندانی کراوە"