هاوڵاتیەکی بێلانە ماوەی دوو مانگە لە پارکێکدا دەمێنێتەوەو بەڕێوەبەرایەتی گشتی هەوڵی چارەسەر کردنی کەیسەکەی دەدات.
پاش ئاگادارکردنەوەی بەڕێوەبەرایەتی گشتی، ئەمڕۆ یەکشەممە، 2ـی تشرینی دووەمی2025، ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی سلێمانی بەوکالەت، بەهاوڕێیەتی سۆران سەعید بەرپرسی پارێزگاری خێزان، بەدواداچونی بۆ کەیسی هاوڵاتیەکی بێلانەکرد.
هاوڵاتیەکە خەڵکی شاری کەرکوکەو تەمەنی لەنێوان 50 بۆ 60 ساڵیدایەو ماوەی دوو مانگە لە پارکی دایک دەمێنێتەوەو دوای بەدواداچون دەرکەوت پێویستی بە شوێنی مانەوەو چارەسەری دەروونی و تەدروستی هەیە.
بەڕێوەبەری گشتی بەشی پارێزگاری خێزانی ڕاسپارد وردتر بەدواداچون بکەن و هەوڵی چارەسەرکردنی کەیسەکە بدرێت.
|