ئەمڕۆ سێشەممە، 9ـی 9ـی 2025، ڕێکخراوی n2n بە هەماهەنگی بەڕێوەبەرایەتی گشتی،  22 کورسی جواڵاوی کەمئەندامی بە شێوەیەکی فەرمی دابەش کرا.

ئامانج لە دابەشکردنی ئەم کورسیانە، یارمەتیدان بە کەسانی کەمئەندام و بەرەوپێشبردنی ژیانی رۆژانەیانە، بە تایبەتی بۆ ئاسانکردنی هات‌وچوویان.

لە کاتی دابەشکردنەکەدا، ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت، سوپاسی ڕێکخراوی n2nـی کردو  تاکیدیان کرد لەسەر ئەوەی ئەم جۆر یارمەتیدانە بەشێوەیەکی بەردەوام بەرەوپێش ببرێت و بەردەوامی هەبێت بۆ پاراستنی مافەکانی کەمئەندامان و بتوانین زۆرترین هاوڵاتی سودمەند بکەین کە پێویستیان بەوجۆرە لە یارمەتیدانە.

هەریەک لەبەڕێزان سۆما قادر بەرپرسی پڕۆژەکانی n2n و نەهرۆ عەبدوڵڵا بەڕێوەبەری تۆڕی پاراستنی کۆمەڵایەتی سلێمانی، سۆران سەعید بەرپرسی پارێزگاری خێزان و تیمێکی ڕێکخراوی n2n ئامادەی پڕۆسەکەبوون.