کوێستان محمد : ئامادەکاری دەکەین بۆ پشکنینی خاوەن پێداویستی تایبەتی نوێ پاشان تۆمارکردنیان بەمەبەستی شایستەی دارایی .
ڕۆژی دوو شەممە 6ـی 6ـی2022 ، بەسەرپەرشتی خاتوو کوێستان محەمەد وەزیری کارو کاروباری کۆمەلایەتی و بە ئامادەبونی هەریەک لە بەڕێزان ئیسماعیل ڕەشید ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، بەرێوەبەری گشتی دیوان و بەرێوەبەرانی گشتی چاودێری کۆمەلایەتی ھەولێر و دھۆک ، بەرێوەبەری تۆری پاراستنی کۆمەلایەتی دیوانی وەزارەت کۆبونەوەیەکی تایبەت بە کەمئەندامان و خاوەنپێداویستی تایبەت بەڕێوەچوو.
کۆبونەوەکە تایبەت بوو بە گفتوگۆی هه‌موو ئه‌و پرسانه‌ی كه په‌یوه‌ستن به ژیانی هاووڵاتیانی خاوه‌ن پێداویستی تایبه‌ته‌وه ، هەروەک بەڕێز خاتوو کوێستان محەمەد ، دڵنیای دا کە کاری لەپێشینەیان هاوڵاتیانی خاوەنپێداویستی تایبەت دەبێت و سێ خاڵی گرنگ بۆ هاوڵاتیانی خاوەنپێداویستی تایبەت بڕیاری لێوەدرا.
١- جێ بەجێ کردنی رێنماییەکانی دەرمالەی پەککەوتەیی .
٢- ئامادەکاری بۆ پشکنینی خاوەن پێداویستی تایبەتی نوێ پاشان تۆمارکردنیان بەمەبەستی شایستەی دارایی .
٣-ئامادەکاری بۆ دامەزراندنی سێ نەخۆشخانەی دەرونی لە شارەکانی ھەولێر ، سلێمانی ، دھۆک .
|