وەزیری کارو کاروباری کۆمەڵایەتی کورسیەکی کارەبایی بۆ قوتابیەکی خاوەن پێداویستی تایبەت دابین کرد.
ئەمڕۆ چوارشەممە، 22ـی شوباتـی 2023، بەڕێز م. ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی. بە ئامادەبوونی هیوا ڕەحمان ڕاوێژکاری یاسایی، پێشوازی لە قوتابیەکی پەیمانگەی زانستی کۆمپیوتەر کرد ، کە بەهۆی نەخۆشی شەلەل قاچەکانی لەدەست داوەو لەدۆخێکی ناجێگیری تەندروستیایە .
پاش گوێ گرتن لە داواو گرفتەکانی ئەو قوتابیە ، کە بەهۆی نەبوونی کورسی کارەباییەوە ناتۆانێ بەردەوامی بەخوێندنەکەی بدات ، بەڕێز بەڕێوەبەری گشتی پاڵپشتی و پشتیوانی خۆی و بەڕێوەبەرایەتی گشتی بۆ سەرجەم قوتابیانی خاوەن پێداویستی تایبەت دووپات کردەوەو کورسیەکی کارەبایی لەسەر ئەرکی خاتوو کوێستان محەمەد ، وەزیری کارو کاروباری کۆمەڵایەتی ، بۆ دابین کرا.
|