بەمەبەستی گواستنەوەی ئەزموونی پڕۆژەی خێزانی جێگرەوە بۆ پارێزگاکانی هەولێر و دهۆک وەزارەتی کارو کاروباری کۆمەڵایەتی خولی ڕاهێنان بۆ ژمارەیەک لەتوێژەرانی کۆمەڵایەتی و دەرونی ئەو دوو پارێزگایە بەڕێوەدەبات.
ڕۆژی سێشەممە، 20ـی کانوونـی دووەمـی2022، بەئامادەبوونی بەڕێزان ، م. ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، ژمارەیەک لەبەرپرسانی وەزارەتی کار و کاروباری کۆمەڵایەتی و بەڕێوەبەرایەتی گشتی ، ڕێکخراوی یونسێف ،هەفتەی سێ هەم لە خولی ڕاهێنان ژمارەیەک لە توێژەرانی سەر بەبەڕێوەبەرایەتیە گشتیەکانی پارێزگای( هەولێر و دهۆک) لە پارێزگای سلێمانی دەستی پێکرد.
لە سەرەتای خولەکەدا بەڕێز بەڕێوەبەری گشتی وتەیەکی پێشکەش کردوو سوپاسی هەریەک لە وەزارەتی کار و ڕێکخراوی یونسێف و هەردوو ڕاهێنەر ( سەناریا نەضیف، نیگار عومر)ی کرد کە ماوەی سێ هەفتەیە خولەکە بەڕێوەدەبەن و گواستنەوەی ئەزموونی پارێزگای سلێمانی بۆ پارێزگاکانی هەولێر و دهۆک بە گرنگ وەسف کردوو
هیوای خواست سەرکەوتن بەدەست بێنن و پاڵپشتی و پشتیوانی خۆشی دووپات کردەوە .
ئەوەی شایەنی باسە وەزارەتی کار لەچوارچێوەی گرنگی دان بە منداڵانی ماڵەکانی چاودێری کۆمەڵایەتی دەیەوێت ئەزموونی پڕۆژەی خێزنی جێگرەوە لە پارێزگای سلێمانی بگوازێتەوە بۆ هەردوو پارێزگای هەولێر و دهۆک و بۆ ئەومەبەستە ماوەی دوو هەفتەیە لە پارێزگای هەولێر و ماوەی هەفتەیەک لە پارێزگای سلێمانی خولی ڕاهێنان بەردەوامی دەبێت .
|