بەڕێوەبەری گشتی پێشوازی لە شاندێکی باڵای نوسینگەی دەستەی سەربەخۆی مافی مرۆڤ دەکات
ئەمڕۆ ، ١٦/دیسەمبەری/٢٠٢١ ، بەڕێز ، نەهرۆ عەبدوڵڵا عەلی ، بەڕێوەبەری گشتی چاودێری و گەشەپێدانی کۆمەڵایەتی سلێمانی بە وەکالەت ، لە دیوانی بەڕێوەبەرایەتی گشتی ، پێشوازی کرد لە شاندێکی باڵای دەستەی سەربەخۆی مافی مرۆڤ لە سلێمانی ،کە پێک هاتبوون لە بەڕێزان ، سابیر عەبدوڵڵا کەریم ، بەڕێوەبەری نوسینگەی دەستەی سەربەخۆی مافی مرۆڤ ، عەبوڵڵا ڕەئوف عەلی ،لێپرسراوی هۆبەی ڕاپۆرت ، مصتەفا محمود لە هۆبەی یاساو سکاڵا.
سەرەتا شاندی میوان ئامانجی سەردانەکەیان بۆ بەڕێوەبەری گشتی ڕونکردەوەو لە کۆبونەوەیەکدا هەردوولا کۆمەڵێک پرس و بابەت ئاڵ و گۆڕ کراو تیشک خرایە سەر رەوشی مافی مرۆڤ و یاساکانی پەیوەندیدارو ئەو گرفت و ئایشانەی لەو بارەوە هەن، پاشان ئامارو داتاو زانیاری پێویستیان لە بەڕێز بەڕێوەبەری گشتی وەرگرت و لەو سۆنگەوە کۆمەڵێک دۆسیە گفتوگۆیان لە بارەوە کراو، بڕیار وایە بەهەماهەنگی و راوێژ کار بۆ چەند پرس و بابەتێک بکەن.
لای خۆشیانەوە بەڕێوەبەری نوسینگەی دەستەی سەربەخۆی مافی مرۆڤ سوپاسی هەڵوێست و هەماهەنگی و پاڵپشتی بەڕێوەبەرایەتی گشتی کرد، کە لەبواری هۆشیاری کۆمەڵگە لەمەڕ مافەکانی مرۆڤ هاوکار بوون و تەئکیدیان لە پێویستی هەماهەنگی و کاری پێکەوەیی کردەوە.
|