بەڕێوەبەرایەتی گشتی لە ساڵ ڕۆژی چەسپاندنی مافەکانی منداڵان ، ڕاگەیەندراوێک بڵاودەکاتەوە.
ئەمڕۆ ٢٠/نۆڤەمبەری/٢٠٢١ لەساڵ ڕۆژی ڕاگەیاندنی چەسپاندنی ڕێککەوتن نامەی مافەکانی منداڵان٬ بەڕێوەبەرایەتی گشتی،ڕاگەیاندراوێکی بڵاوکردەوە کە ئەمەی خوارەوە دەقەکەیەتی.
بەناوی خوای بەخشندەی میهرەبان
ئەمڕۆ ٢٠ی نۆڤەمبەری ٢٠٢١، لەساڵ ڕۆژی ڕاگەیاندنی چەسپاندنی ڕێککەوتن نامەی مافەکانی منداڵان ، دوای پیرۆزبایمان لە گشت منداڵانی جیهان و کوردستان بە تایبەتی، هەمولایەک دڵنیا دەکەینەوە ، کە ئێمە لە بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی، پارێزەری مافەکانی منداڵان دەبین و لە چوارچێوەی کارەکانماندا، وە گرنگی زیاتر بەو منداڵانە دەدەین کە پێویستان بە هاوکاری و پاڵپشتی بەڕێوەبەرایەتی گشتیمان دەبێت لە ڕووی یاسایی، و کۆمەڵایەتی، و دەرونی، و تەندروستی، وپاراستنی مافەکانیان، وە هەوڵ دەدەین بۆ دروست کردنی نەوەیەکی تەندروست و چەسپاندنی سەرجەم مافەکانی منداڵان وە پاڵپشتی کردنیان لە چوارچێوەی سنوری کارکردنمان.
هیوادارین لە چوارچێوەی مافەکانیاندا سەرجەم منداڵانی کوردستانمان هەمیشە لە ئارامی و خۆشیدا بژین و هیوای تەندروستیەکی باش بۆ ئێوەی بەڕێزو خۆشەویست دەخوازین.
ڕاگەیاندندنی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی.
٢٠/نۆڤەمبەری/ ٢٠٢١
|