بە کێبڕکێی سیڤی لە ئایندەیەکی نزیکدا ناوی ئەو بەڕێزانەی دادەمەزرێن ئاشکرا دەکرێت.
٫٫پاش بینین و هەڵسەنگاندنیان بڕیار لەسەر دامەزراندنی (١١) کارمەند بە شێوەی گرێبەست دەدرێت,,
ئەمڕۆ، ٢٧ی ئۆکتۆبەری ٢٠٢١، لە دیوانی بەڕێوەبەرایەتی گشتی، بە سەرپەرشتی بەڕێز، فواد صدیق ، ڕاوێژکاری وەزارەتی کارو کاروباری کۆمەڵایەتی و ئەندامێتی بەڕێزان، نەهرۆ عەبدوڵڵا عەلی ،بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ،بە وەکالەت ، بێستون شەهید جەبار ،لێپرسراوی نوسینگەی بەڕێز وەزیری کارو کاروباری کۆمەڵایەتی ، چاویان کەوت بەژمارەیەک لەو بەڕێزانەی سیڤیان پێشکەش کردبوو بە مەبەستی دامەزراندنی گرێبەست لە نەخۆشخانەی دەرونی سلێمانی ، پاش هەڵسەنگاندنیان و وردبینی کردنی سیڤیەکان بڕیار وایە لە ئایندەیەکی نزیکدا (١١) کەس لەو بەڕێزانەی ئەمڕۆ چاوپێکەوتنیان ئەنجامدا بەشێوەی گرێبەست دامەزرێندرێن.
ئەوەی شایەنی باسە لە ماوەی ڕابردودا بە هەوڵی بەڕێز،خاتوو کوێستان محمد، وەزیری کارو کاروباری کۆمەڵایەتی توانرا ڕەزامەندی سەرۆکایەتی ئەنجومەنی وەزیران لەسەر دامەزراندنی ژمارەیەک کارمەند بۆ نەخۆشخانەی دەرونی سلێمانی وەربگیرێت ،کە پێک دێت لە ٢ توێژەری کۆمەڵایەتی و ٢ توێژەری دەرونی و ٦ چاودێر و ١ کارگوزار.
|