بۆ بەدواداچونی کارەکانیان بەڕێوەبەری گشتی پڕۆژەی بینای نوێی ماڵی بەساڵاچوان بەسەردەکاتەوە.
ئەمڕۆ ٢شەممە ،٦ی٩ی ٢٠٢١ ، بەڕێز ،نەهرۆ عەبدوڵڵا عەلی ، بەڕێوەبەری گشتی چاودێری و گەشەپێدانی کۆمەڵایەتی ، بە یاوەری ئەندازیار ، بەختیار عەلی حەمە غەریب،لێپرسراوی بەشی ئەندازیاری و،ئەندازیار، مەیساء احمد ڕەفیق، بینای نوێی ماڵی بەساڵاچوانی لە شارەدێی سیتەک بەسەرکردەوە.
لەوسەردانەدا بەڕێز بەڕێوەبەری گشتی لە گیروگرفتەکانی بەردەم تەواو بونی بیناکە کۆڵیەوەو داوای کرد پەلە بکرێت لە ڕاپەڕاندنی کارەکان و تاواو کردنی بیناکە .
هەروەها بەڕێز بەڕێوەبەری گشتی ڕایگەیاند بە خۆشحاڵیەوە کارەکانی پڕۆژەکە بە ڕێژەی لە ٪٧٥ تەواو بوەو دەست خۆشی بەڕێز ، وەزیری کاروباری کۆمەڵایەتی و خۆی لە بنەماڵەی خێرخواز (مام حەمە میرزا) کرد کە ئەم پڕۆژەگرنگەی دەست پێکردوەو داواش دەکەم کە خێرخوازانی تر سەرمایەکانیان لەم پڕۆژە گرنگانە بەگەڕ بخەن و دەستخۆشیش لە تەواوی ستاف و کرێکارانی پڕۆژەکان دەکەم و پاڵپشتی خۆم و بەڕێوەبەرایەتی گشتی چاودێری کۆمەڵایەتی سلێمانی بۆ هەر پڕۆژەیەکی هاوشێوە دوپاتدەکەمەوە .
جێگەى باسە، پرۆژەی دروستکردنی بینای نوێی ماڵی بەساڵاچووانی سلێمانی لە شارەدێی سیتەک، پڕۆژەیەکی خێرخوازیەو لەلایەن خانەوادەی (مام حەمەمیرزا)و کوڕو نەوەکانیەوە دروست دەکرێت‌و لە بەرواری، ٨ی ٨ی ٢٠٢٠، گرێبەستی کارکردنەکەی ڕاگەیەنرا
|