بەڕێوەبەری گشتی چاودێری و گەشەپێدانی کۆمەڵایەتی دەستی لە کار ترازاند.
ئەمڕۆ ٤ شەممە ٣١ی٣ی ٢٠٢١، بەڕێز خاتوو ئاشتی ئیبراهیم محێ دین، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بە وەکالەت،پاش خانەنشین بونی ،دەستی لە کار ترازاند و وا بڕیارە، ڕۆژی ١ شەممە ٤ی٤ی٢٠٢١ لە دیوانی بەڕێوەبەرایەتی گشتی،و بە فەرمانی بەڕێز خاتوو کوێستان محمد، وەزیری کارو کاروباری کۆمەڵایەتی، لە مەراسیمێکی شایستەداو بە ئامادە بونی ژمارەیەک لە بەرپرس و کارمەندان، ماڵئاوای لێ بکرێت و بەڕێز نەهرۆ عبدالله علی، وەک بەڕێوەبەری گشتی نوێ بە وەکالەت دەست بەکاربێت، ئەوەی شایەنی باسە خاتوو ئاشتی ئیبراهیم محێ دین ، لە ماوەی ٣٧ ساڵی کار کردنیدا لە هەر پلەو پۆستێکدا بوبێت ،چی وەک بەڕێوەبەری گشتی و چی وەک جێگری بەڕێوەبەری گشتی،ماندو نەناسانە دڵسۆزانە بە کارو چالاکیەکانی ، خزمەتێکی گەورەی بە چین و توێژە جیاجیاکان کردووە لە پارێزگای سلێمانی و خەمخۆرانە بەدەم داواو کێشەکانی کەمئەندامان و هەژارانەوە بووە.
بە ناوی ڕاگەیاندنی گشتی بەڕێوەبەرایەتی گشتی و هەموو کارمەندانەوە وێرای دەست خۆشی کارەکانی هیوای تەمەن درێژی و لەش ساغی بۆ دەخوازین.
|