به‌ڕێوه‌به‌رایه‌تی گشتی ڕاهێنانێكی تایبه‌ت به خێزانه‌كانی ئۆتیزم ده‌كاته‌وه
ڕۆژی 6ی 10ی 2019، به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی به هاوكاری ڕێكخراوی ڕیچ، هه‌ستا به كردنه‌وه‌ی ڕاهێنانێكی تایبه‌ت به دایك‌و باوكی منداڵانی ئۆتیزم.
له‌و ڕاهێنانه‌دا كه له هۆڵی سه‌نته‌ری ئۆتیزم به‌ڕێوه ده‌چێت‌و بڕیار وایه ماوه‌ی دوو هه‌فته بخایه‌نێت‌و زیاتر له 60 به‌شداربووی هه‌بێت تیایدا توانایی تایبه‌ت به چۆنیه‌تی مامه‌ڵه‌كردن له‌گه‌ڵ منداڵانی ئۆتیزم له ماڵه‌وه ده‌وترێته‌وه به‌مه‌به‌ستی ته‌واو كردنی ئه‌و ڕاهێنانه‌ی كه له سه‌نته‌ر وه‌ریده‌گرن، ته‌واوی خوله‌كه‌ش به‌شێكه له پلانی ساڵانه‌ی به‌ڕێوه‌به‌رایه‌تی گشتی.
خوله‌كه له‌لایه‌ن به‌ڕێزان (د.ئه‌فرام موحه‌ممه‌د پسپۆڕی ده‌روونی، د.دانیال، پسپۆڕی ده‌روونی‌‌و م.ئاشنا عومه‌ر، ڕاهێنه‌ری بواری ئۆتیزم) ده‌وترێته‌وه‌و له‌لایه‌ن به‌ڕێزان پرشنگ كه‌ریم، به‌رپرسی په‌یوه‌ندییه‌كان‌و خاتوو سروه كازم، به‌ڕێوه‌به‌ری سه‌نته‌ره‌وه سه‌رپه‌رشتی ده‌كرێت.
|