پڕۆژه‌ی پاڵپشتی ده‌روونی‌‌و كۆمه‌ڵایه‌تی لەماوەی شه‌ش مانگی ڕابردوودا زیاتر له 12000 منداڵ وشیار ده‌كاته‌وه
به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له چوارچێوه‌ی پڕۆژه‌ی پاڵپشتی ده‌روونی‌‌و كۆمه‌ڵایه‌تی بۆ منداڵ‌و خێزان به‌هاوكاری ڕێكخراوی یونسێف له‌ماوه‌ی شه‌ش مانگی ڕابردوودا توانیویه‌تی زیاتر له 12000 منداڵ به‌باته‌كانی په‌یوه‌ست به ماف‌و خولی جۆراو جۆر وشیاربكاته‌وه.
به پێی كۆتا ڕاپۆرتی پڕۆژه‌ی پاڵپشتی ده‌روونی‌‌و كۆمه‌ڵایه‌تی كه له‌لایه‌ن به‌شه‌كانی (پلان‌و به‌دواداچوون‌و پارێزگاری خێزان) له دیوانی به‌ڕێوه‌به‌رایه‌تی گشتی سه‌رپه‌رشتی ده‌كرێت، پڕۆژه‌كه توانیوه‌تی خزمه‌تی زیاتر له 5000 منداڵ له‌ناو شاری سلێمانی‌‌و قه‌زاكانی چه‌مچه‌ماڵ‌و ده‌ربه‌ندیخان‌و ئیداره‌ی ڕاپه‌ڕین (ڕانیه) بكات.
پڕۆژه‌ی پاڵپشتی ده‌روونی‌‌و كۆمه‌ڵایه‌تی بۆ منداڵ‌و خێزان بە فەرمانی ژمارە (2880) لە بەرواری(29ی 10ی 2017)ی بەڕێوەبەرایەتی گشتیمان، بە هاوكاری ڕێكخراوی( یونسێف) بۆ جاری شه‌شه‌م ده‌ستی بەكارەكانی كرد، به پێی به‌رنامه‌كان، پڕۆژه‌كه پێكهاتوە لە (٦) تیم كە بەمشێوەیە تیمەكان دابەشبوون:
1ـ له شاری سلێمانی: دوو تیمی (مۆبایل تیم) و یه‌ك تیمی به‌ڕێوه‌بردنی كەیس كه بەشێوەی (مۆبایل تیم) كارەكانی ئەنجامداوە.
2ـ له قه‌زای دەربەندیخان: یه‌ك تیم كاری كردووه، لە هەفتەیەكدا سێ ڕۆژ لە سەنتەر كاركراوە و دوو ڕۆژ بەشێوەی (مۆبایل تیم)و یه‌ك ڕۆژ كاری به‌ڕێوه‌بردنی كەیس ئەنجامدراوە.
3ـ له قه‌زای چەمچەماڵ: یه‌ك تیم كاری كردووه، لە هەفتەیەكدا سێ ڕۆژ لەسەنتەر كاریكردووه‌و دوو ڕۆژ بەشێوەی (مۆبایل تیم)و یه‌ك ڕۆژ كاری به‌ڕێوه‌بردنی كەیسی ئەنجامداوە.
4ـ له قه‌زای ڕانیە: یه‌ك تیم كه به‌شێوه‌ی مۆبایل تیم كاره‌كانی ئه‌نجامداوه.
پڕۆه‌كه گه‌وره‌ترین پڕۆژه‌یه له‌و جۆره‌ی خۆی له سنوری پارێزگای سلێمانی كه له ڕێگه‌ی تیمه گه‌ڕۆكه‌كان، سه‌نته‌ره به‌رده‌وامه‌كان، سه‌ردانی ماڵ‌و كه‌مپه‌كان‌و ئه‌و شوێنانه‌ی منداڵی ئاواره‌و ناوخۆی لێیه، بواره‌كانی كاركردنیشی بریتیه له په‌روه‌رده‌كردن، پێدانی زانیاریی، پاراستن، وشیاركردنه‌وه‌ی خۆیان‌و خانه‌واده‌كانیان له ڕێگه‌ی تاك‌و گروپه‌وه.
ئه‌مه‌ی خواره‌وه ده‌قی پوخته‌ی ڕاپۆرته‌كه‌یه كه تیایدا ده‌رده‌كه‌وێت پڕۆژه‌كه خزمه‌تێكی گه‌وره‌ی به منداڵان‌و خێزانه‌كانیان به ڕێگه‌ی جۆراوجۆر كردووه‌‌و له ئێسته‌دا پڕۆژه‌كه به‌رده‌وامه.