سەبارەت بە هاوکاری کۆمەڵایەتی خاوەن پێداویستی تایبەت (مووچەی کەمئەندامان):
بەناوی خوا
سەبارەت بە هاوکاری کۆمەڵایەتی خاوەن پێداویستی تایبەت (مووچەی کەمئەندامان):
١ـ هاووڵاتیانی خاوەن پێداویستی تایبەت ئاگاداردەگەین کە لە سنوری پارێزگای سلێمانی لە هەردوو رۆژی شەممەو یەکشەممە (٤و ٥ی ٤ی ٢٠٢٠)، هاوکارییە کۆمەڵایەتییەکانیان (مووچەکانیان) دابەش دەکرێت‌و هیچ کێشەیەک نیەو سەرجەم فەرمانگەکانمان و گەنجینەو بانکەکان کاری پێویستیان ئەنجامداوەو دەزگا پەیوەندیدارەکان ئاگادارکراونەتەوە کە ئاسانکاری پێویست بکەن بۆ ئەو مەبەستە.
٢ـ ئەو بەڕێزانەی لە نێوان شارو شارۆچکەکاندا هاتوچۆ دەکەن بۆ وەرگرتنی مووچەکانیان، بە ناسنامەکانیان کارئاسانیان بۆ دەکرێت‌و ڕێگەیان پێ دەدرێت لەو دوو رۆژەدا بگەنە ئەو بانکەو فەرمانگەیەی مووچەکەی تێدا دابەش دەکریت.
٣ـ تەنها لە سنورى ئیدارەى ڕاپەڕین (قەزاکانی ڕانیەو قەڵادزێ) لە ڕۆژی شەممە دابەش ناکرێت‌و هاووڵاتیانی خاوەن پێداویستی تایبەت با ڕۆژی یەکشەممە، ٥ی ٤ی ٢٠٢٠ سەردانی لیژنەکان بکەن بۆ وەرگرتنی.
٤ـ داوا دەکەین هەموو لایەک پابەندی ڕێنماییەکانی خۆپارێزی لە نەخۆشی کۆرۆنابن‌و قەرەباڵغی دروست نەکەن، ئەوەش بۆ پاراستنی خۆیان‌و هاووڵاتیانیش.
لەگەڵ رێزدا
عومەر گوڵپی
بەڕێوەبەری گشتی چاودێری‌‌و گەشەپێدانی کۆمەڵایەتی لە پارێزگای سلێمانی
٣ی ٤ی ٢٠٢٠
|