بەڕێوەبەری گشتی ژمارەیەک سەنتەری ناحکومی بۆ ڕاهێنانی منداڵانی ئۆتیزم بەسەر دەکاتەوە
ڕۆژی یه‌كشه‌ممه، 12ی 1ی 2020، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی به هاوڕێیه‌تی هه‌ریه‌كه له به‌ڕێزان سۆران سه‌عید، به‌رپرسی به‌شی پلان‌و به‌دواداچوون‌و حه‌لیمه فه‌تاح، به‌رپرسی به‌شی دایه‌نگه‌كان، سه‌نته‌ری (درولعه‌تای ناحكومی بۆ منداڵانی ئۆتیزم)و (ڕێكخراوی شین بۆ ئۆتیزم)و ژماره‌یه‌ك شوێن كه به‌ناوی ڕاهێنانی منداڵانی ئۆتیزمی به‌سه‌ركرده‌وه.
ئامانجی سه‌ردانه‌كه بریتبوو له دانانی ڕێوشێوێنی پێویست بۆ جێ به‌جێكردنی ڕێنمایی تایبه‌ت به ڕێنمایی ئۆتیزم‌و پاراستنی منداڵانی ئۆتیزم‌و مافه‌كانیان‌و مافی دایك‌و باوكی منداڵانی ئۆتیزم.
له‌و سه‌ردانانه‌دا به‌ڕێز به‌ڕێوه‌به‌ری گشتی‌‌و هاوڕێكانی پاش به‌سه‌ركردنه‌وه‌ی هۆڵ‌و ژووره‌كانی ڕاهێنان‌و ش دۆخی منداڵان‌و به‌رنامه‌كانی ڕاهێنانیان، ڕێنمایی سه‌نته‌ره فه‌رمییه‌كانی كرد به پابه‌ندی به‌یاساو ڕێنماییه‌كان‌و پاراستنی مافی منداڵان‌و به‌رزكردنه‌وه‌ی ئاستی پابه‌ندی به سیستم‌و نه‌هێشتنی كه‌م‌و كورتییه‌كان، هه‌روه‌ك بڕیاریدا له زووترین كاتدا لێپێچینه‌وه‌ی یاسایی له‌گه‌ڵ ئه‌و شوێنانه بكات كه تا ئێستا مۆڵه‌تی فه‌رمیان وه‌رنه‌گرتووه.
به‌مه‌به‌ستی به‌دواداچوونی ورد بۆ سه‌رپه‌رشتی‌‌و به‌دواداچوونی كاری سه‌نته‌ره ناحكومییه‌كان، به‌ڕێوه‌به‌رایه‌تی گشتی له ڕێگه‌ی لیژنه‌یه‌كه‌وه له ساڵی 2020دا له چوارچێوه‌ی پلان‌و به‌رنامه‌ی كاریدا چاودێری‌‌و سه‌رپه‌رشتی سه‌نته‌ره‌كان ده‌كات.
|